KreuArt

Goldie Hawn, biondja e adhuruar e Hollivudit mbush 70 vjeçe

Është prototipi i biondes së bukur, por jo perfekte dhe ka ditur ta ngrejë atë imazh në një formë të vërtetë arti falë sensit të pashoq të humorit. Goldie Hawn lindi në Washington më 21 nëntor të 1945. Që në moshën 3-vjeçare nisi të merrte leksione vallëzimi në shkollën e të ëmës, në moshën 10-vjeçare u bë protagoniste e një shfaqjeje në teatër, ndërsa në moshën 19-vjeçare vendosi të braktiste universitetin, ku studionte teatër, për t’u transferuar në New York dhe të tentuar fatin. E nis si balerinë, por më pas, falë një programi televiziv, zbulon vokacionin e saj të vërtetë, komedinë. Në 1969 shpërthen në ekranin madh me filmin ‘Lule kaktusi’ ku interpreton rolin e të fejuarës së Walter Matthau me të cilin fiton oskarin si aktorja më e mirë joprotagoniste. Nga aty dhe më tej rruga tashmë ishte shënuar; me role mjaft të këndshëm në disa nga filmat më interesantë dhe të njohur të kohës. Martohet dy herë, herën e parë me Gus Trikonis, më pas me muzikantin Bill Hudson, nga ’76 në ’82. Me këtë të fundit ka fëmijët Jack dhe Kate, sot të dy aktorë mjaft të suksesshëm . Nga viti 1983 është e lidhur me Kurt Russell, edhe pse nuk janë martuar asnjëherë dhe kanë një fëmijë; shembulli më i mirë se një çift hollivudian mund të arrijnë vërtetë të qëndrojnë të bashkuar për kaq shumë vjet.

 

Tags:

Home Art

Bordo
Shtator - No.63

SHKARKO VERSIONIN PDF