KreuStil Jetese

Dilara, nga biondia e ëmbël në femër fatale   

Duket e pabesueshme, por është e vërtetë: një personazh telenovelash turke mund të kthehet në një shembull të stilit dhe modës. Dilara e serialit “Fate të kryqëzuara”, ka tërhequr vëmendjen maksimale të audiencës, jo vetëm përmes rolit të saj, por edhe stilit. Aktorja Ebru Özkan, e cila edhe pse nuk është heroina pozitive në film ka rrëmbyer vëmendjen e gjinisë femërore, me veshjet e saj, që reflektojnë klas dhe elegancë. Çdo episod të telenovelës që transmetohet në televizionin Klan në fundjavë,  Dilara prezanton tendencat e fundit të modës. Por, a e dini se ajo dikur ka qenë bionde. Një bionde e ëmbël, shumë larg Dilarës që njohim. Transformimi i saj, nga një bjonde në brune dhe shfaqja më së tepërmi brenda rolit me veshje me tonalitete të mbyllura, i ka dhuruar asaj një pamje akoma më të bukur.

Aktorja 37 vjeçare, e cila ka arritur rekord dashamirësish falë këtij roli, ka mundur që pas këtij seriali të konsolidojë dukshëm pamjen e saj edhe në jetën e përditshme, e kjo duket përmes fotove që sugjeron BORDO për lexuesit e saj. Tani ajo shfaqet më shpesh brune dhe me flokë të drejta, sesa bjonde me kaçurrela si dikur, duke zbuluar kështu brenda një roli të vetëm, se cili është stili që e përfaqëson atë më mirë.

Historia e Serialit Fate të kryqëzuara

Historia rrëmbyese e dy grave të cilat vijnë nga dy botë të ndryshme, e që takohen 15 vite më parë në spital gjatë lindjes. Fati është ai që i kryqëzon rrugëtimet jetësore të Gylseren, një grua e vetme në kushte të vështira ekonomike dhe të Dilara, një grua e pasur nga një familje e famshme, e martuar me Xhihan. Foshnjat e lindura në të njëjtën ditë do të shkëmbehen gabimisht në maternitet dhe ky fakt do të sjellë gjithë intrigën e filmit. Mes zhvillimeve të befasishme, që do të mbajnë të gozhduar teleshikuesin në çdo episod, lindin konfliktet, perplasjet, por dhe një ndjejë e pazakontë dashurie mes Xhihan dhe Gylseren.

Por, si do të jetë fati i kësaj dashurie, si do të reagojnë vajzat dhe familjet për shkëmbimin e bërë 15 vite më parë, çfarë dramash do të sjellë ky aksident në jetën e protagonistëve? Këto dilema do të zgjidhen përgjatë serialit, i cili aktualisht falë suksesit të sezonit të parë, po vijon transmetimin e sezonit të dytë në Turqi.

Suksesi i jashtëzakonshëm i filmit, lidhet ngushtë jo vetëm më historinë rrëmbyese, por dhe me kastin e aktorëve. Nurgül Yeşilçay, në rolin e protagonistes Gylseren, është fituese e çmimit “Aktorja më e mirë në Turqi”, apo Ebru Özkan, në rolin Dilarë dhe Erkan Petekkaya, që interpreton Xhihan, janë ndër aktorët më talentuar të momentit. Një prodhim i gjigandit Endemol, aktualisht “Fate të kryqëzuara”, po thyen rekorde shikueshmërie në shumë vende ku po trasmetohet si në Turqi, Iran, Greqi, Rumani, Indonezi, Lituani, Bullgari, etj.

Tags:

Home bordo

Bordo
Shtator - No.63

SHKARKO VERSIONIN PDF