KreuArt

Kërcim (nudo) me… ujqër!

Të këndosh nudo dhe i shoqëruar në skenë nga një ujkonjë e quajtur Shakira, është projekti i këngëtarit bjellorus Ivan për të fituar konkursin e radhës të Eurovizionit. Me kusht që koncerti evropian i talenteve të pranojë këtë program pak konvencional.

Këngëtari 21 vjeçar e ka menduar këtë performancë në bashkëpunim me producentin rus, Viktor Drobich, i cili do ta shoqërojë në maj në Stockholm për edicionin e radhës së Eurovizionit.

“Kjo do të jetë padyshim një eksperiencë e bukur. Mbi të gjitha që nuk kam dalë asnjëherë në skenë me veshjen e Adamit dhe me kafshë të egra”, thotë Ivani duke qeshur në studion moskovite të Viktor Drobich.

“Xhirimet e para ishin shumë të frikshme por më pas jami bërë miq. Ajo pëlqeu erën time dhe filloi të fërkohet tek unë”, shpjegon Ivan duke theksuar se e ushqente ujkonjën para se të fillonte xhirimet.

Por Viktor Drobich nuk është një i panjohur dhe e njeh mirë Eurovizionin. Ai ishte mbrapa suksesit të “Bouranovskie Babouchki”, gjyshet ruse me kostume tradicionale që arritën në vend të dytë në Eurovizionin 2012 falë këngës së tyre disko “Party for everybody”.

Sipas tij, “një këngëtar nudo i shoqëruar nga një ujkonjë është një deklaratë dashurie ndaj artit. Nuk është një çështje vulgariteti. Ne duam që kjo të jetë art, jo një porno”.

Për producentin, Eurovizioni do të marrë një vendim pasi të ketë parë planin sekondë pas sekonde të koreografisë së Ivanit.

Nga metalarët finlandezë të “Lordi” dhe veshjeve të tyre si monstra në vitin 2006 tek kostumet disko të “drag-queen” ukrainase, Verka Serduchka në vitin 2007, Eurovizioni ka ndërtuar reputacionin e tij gjithashtu edhe mbi veshje ndonjëherë të dyshimta të pjesmarrësve të tij, që shpesh i kanë garantuar vlerësime shumë të mira.

Tags:

Home Art

Bordo
Shtator - No.63

SHKARKO VERSIONIN PDF