“Armiqtë” që nuk iu lënë të bini në peshë

Ndonjëherë të duket sikur dhe pse përpiqesh të kesh kujdes me ushqimet dhe ushtrohesh vazhdimisht, nuk humbet dot në peshë. Mund të kesh të drejtë. Ka disa gjëra që ju shpesh i anashkaloni, por në fakt janë ato që ju pengojnë. Njihuni me 5 armiqtë që nuk ju lënë të bini peshë.
Mungesa e vitaminave
Gratë që e plotësojnë dietën me viamina ekstra kanë më pak uri, sesa ato që nuk e bëjnë kë. Kjo, sipas kërkimeve të Laval University në Kanada. Zgjidhja: Bëj një test nëse të mungon ndonjë lloj vitamine dhe drejt e në farmaci, ose kërko ushqime të pasura me atë lloj vitaminash. Ato mund të jenë vitaminat B që ndihmojnë në djegien e yndyrnave dhe uljen e nivelit të stresit nëse ai ka fluturuar pa kontroll.
Uji i rubinetit
Uji i rubinetit është shumë i pasur me fluor që mund të jetë i mirë për dhëmbët, por jo për siluetën tuaj. Sipas Mary J Shomon, autorja e The Thyroid Diet: Managing Your Metabolism For Lasting Weight Loss’, “Fluori pengon organizmin të thithë jodin, i cili duhet për shëndetin e tiroides. Nëse tiroidja është e dobët, edhe metabolizmi do jetë dhe ti do shtosh peshë.”
Zgjidhja: Provo të përdorësh disa javë ujë të ambalazhuar mineral dhe shiko nëse do ndikojë në peshën tënde.
Bakteret e zorrëve
Bëhet fjalë për bakteret që jetojnë në sistemin tretës. Studiuesi Peter Turnbaugh i Washington University School of Medicine ka vëzhguar dy lloje bakteresh që gjenden në zorrë: bakteroidetes dhe firmikutes. Ai zbuloi që njerëzit obezë kishin një sasi më të madhe firmikutesh dhe që kur ata fillonin dietën, sasia e tyre ulej dhe rritej ajo e grupit të parë, në linjë me humbjen e shtresave dhjamore.
Zgjidhja: Ndërkohë që nuk është gjetur deri tani asgjë që mund të rrisë nivelet e bakteroideteve, duke rritur nivelet e baktereve në përgjithësi do rritej dhe numri i atyre që shpërbën karbohidratet. Mënyra më e mirë është të marrësh më shumë ushqime probiotike që furnizojnë nivelet e baktereve të shëndetshme që përfshijnë preshin, hudhrën dhe bananet dhe të shmangësh antibiotikët që mund t’i vrasin ato. Gjithashtu mund të marrësh një pije të përditshme probiotike si kosi i lëngshëm Danone Actimel Original, që përmbajnë përbërës që rrisin imunitetin.
Truri yt
Studiues në Universitetin e Utrecht në Hollandë kanë vërtetuar që njerëzit që mendojnë pozitivisht kur nisin një dietë kanë më shumë gjasa të humbasin peshë në krahasim me dyshuesit. Trajneria Alyssa Abey thotë që nëse truri yt e di që po bën diçka që do të bëjë të ndihesh keq, e ndalon atë. Kështu ti do e ndjesh çdo copë torte që lë pas në raftin e ëmbëltores.
Zgjidhja: Fokusohu te arsyet pse do të humbasësh peshë dhe thuaji vetes që do e bësh. Duhet të ndalosh të shohësh njëkohësisht ëmbëltoren dhe palestrën ngjitur me të.  Gjithashtu bën mirë t’i shënosh objektivat për peshën në një letër. “Unë këshilloj që të gjithë të mbajnë një letër dhe ta kontrollojnë para se të bëjnë diçka që vë në provë premtimin”, thotë trajneria personale personale e Jennifer Garner, Valerie Waters.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *