KreuFashion

Rrëzohet në skenë kitaristi i grupit “Aerosmith”

Joe Perry, kitaristi i grupit të rock-ut Aerosmith, është rrëzuar në skenë gjatë një koncerti në Nju Jork. Referuar asaj që shkruajnë mediat vendase, ai u dërgua menjëherë në spital. Ndërkohë që pas përkujdesjes së duhur, gjendja e tij është stabilizuar.
“Gjithçka ndodhi në skenë. U duk sikur u pengua e pastaj ra. Por njerëzit e panë që po dridhej. Erdhën punonjësit e policisë e i dhanë ndihmën e parë dhe, vetëm kur u qetësua disi, e ngjiten në autoambulancë”, tha Chyanne Leland.
65-vjeçari po interpretonte në Coney Island me grupin e tij “Hollywood Vampires” dhe rokerin Alice Cooper, kur u shemb në tokë. Përpara kësaj, publiku nuk pa asnjë shenjë të ndonjë shqetësimi shëndetësor.

Bordo
Shtator - No.63

SHKARKO VERSIONIN PDF