Koleksioni Chanel makiazh vjeshtë 2016… e kuqe dhe vetëm e kuqe! 0 73

E emëruar drejtoreshë artistike e linjës make-up të Chanel në vitin 2014, Lucia Pica paraqet për vjeshtë 2016 koleksionin e saj të parë të makiazhit. Dy vite  pritje që ia vlejnë… produktet janë të gjitha nuanca që rrjedhin nga ngjyra e kuqe.

“E adhuroj të kuqen, ashtu si Coco Chanel, është ngjyra që merr fytyra kur jemi të emocionuar, ajo është natyrale, e lindur për lëkurën”, thekson Lucia Pica, duke shpjeguar përse këtë zgjedhje.

Të kuqet e buzëve lëvizin nga më e errëta në më të zbehtën dhe këto nuanca përsëriten për të gjitha produktet, nga hija me furçë deri tek mascara. Po, po, edhe mascara!

“Për mua, ideja është të krijosh një gamë të plotë, të mbash ngjyrën e kuqe në linjë, nga qepallat deri tek qerpikët”, tregon Lucia Pica.

Sfida është arritur, sikurse tregojnë imazhet e fushatës, ku protagoniste është Kristen Stewart, pamja është e plotë, e fortë dhe e brishtë njëkohësishtë.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *