KreuBordo Men

Meshkujt e fiksuar pas selfie… psikopatë!

Meshkujt që postojnë shumë selfie në rrjetet sociale janë më të prirë të kenë trajta të psikopatit. Të paktën ky është përfundimi i një studimi nga Universiteti i Ohio që ka studiuar 800 meshkuj dhe sjelljet e tyre shoqërore.

Këtyre meshkujve iu ishte kërkuar ta kompletonin një anketim online dhe t’i përgjigjeshin disa pyetjeve të zakonshme, të cilat kishin treguar për trajtat e tyre personale si narcisizmi, psikopatia dhe vetë-objektivizimi.

Por, çfarë mendoni se kishte ndodhur? Meshkujt që postojnë shumë selfie posedojnë më shumë trajta narcisizte sesa të tjerët. Narcisiztët mendojnë se janë më të mençur, më të bukur dhe më të mirë se të tjerët.

Veç kësaj, këta meshkuj kanë shënuar pikë të larta në vetë-objektivizim, pasi këta e shohin veten më shumë si objekt sesa si një person. Për ta, vlera më e lartë është pamja fizike!

Por, a janë këta meshkuj vetëm viktimë e këtyre teknologjive objektivizuese? Në të vërtetë jo, pasi që anketimet e para eksploruese mes femrave kishin paraqitur të njëjtat rezultate. Megjithatë, ka një dallim të madh, pasi ky zbulim tregon se femrat të cilat postojnë shumë selfie kanë nivele edhe më të larta të vetë-objektivizimit.

Kjo dukuri mund të sjellë deri tek një problem më i madh sepse mund të rezultojë në depresion apo çrregullime të dëshirës për t’u ushqyer.

 

Bordo
Shtator - No.63

SHKARKO VERSIONIN PDF