8 gjëra që nuk duhet t’ia thoni kurrë prindërve të fëmijëve me aftësi të kufizuara

Shpesh në prani të fëmijëve me nevoja të veçanta na ndodh të ndiejmë se duhet të themi apo të komentojmë diçka nisur ndoshta nga kjo gjendje ndryshe, mirëpo gjërat që mund të themi janë të pakta dhe të thjeshta. Janë të shumta pastaj, ato fjali që nuk duhet të thuhen.

  1. Më vjen keq

Të kesh një fëmijë me nevoja të veçanta nuk është një tragjedi, dhe nuk është diçka për të cilën ne duhet të shprehim keqardhje. Është e gabuar të kërkosh falje prindërve të fëmijëve me aftësi të kufizuara për ekzistencën e fëmijëve të tyre, apo jo?



  1. Nuk e di se si ia del mbanë

Si ia dalin mbanë? Si çdo prind tjetër: një moment, një ditë, vit pas viti…

  1. Je me të vërtetë e mrekullueshme që kujdesesh për një fëmijë me nevoja të veçanta

Kjo riforcon idenë se gjendja në të cilën ndodhen fëmijët e tyre është një tragjedi, nëse konsiderohen si superprindër ata mund të ndihen keq.

  1. Është mëkat që ty të është dashur t’i dedikosh jetën tënde

Prindërit e fëmijëve me aftësi të kufizuara kanë jetët e tyre. Ata punojnë, bëjnë ato aktivitete që pëlqejnë, udhëtojnë, bëjnë plane për të ardhmen.

  1. A ke provuar një kurë?

Këto aftësi të kufizuara janë pjesë e botës së këtyre fëmijëve, nuk është një sëmundje që mund të kurohet.

  1. Duket normal. Je i sigurt që ka nevoja të veçanta?

Ka shumë fëmijë me aftësi të kufizuara, që nuk janë të dallueshme, por kjo s’do të thotë që  ata duhet t’ia provojnë botës vetëm se këta të fundit nuk arrijnë ta vënë re.

  1. T’i fiksosh me shikim

Fëmijët me aftësi të kufizuara nuk duhen parë si kafshë cirku. Janë plotësisht njerëzor dhe meritojnë respekt.

  1. Duhet të jesh në ankth për të ardhmen e tij

Po, ata janë të frikësuar për të ardhmen e tyre si çdo prind tjetër. Të rrëfesh histori të trishtueshme   për të rritur me aftësi të kufizuara nuk ndihmon për të lehtësuar këto frikëra. Në vend të kësaj e gjithë shoqëria duhet të kontribuojë për një të ardhme më të mirë të këtyre fëmijëve.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *