KreuStil Jetese

Sensuale me “le foulard”, Luana Vjollca surprizon përsëri

 

Ato janë dy nga prezantueset më të pëlqyera në vendin tonë, si dhe nga më të ndjekurat në rrjetet sociale. Bionde dhe të hijshme, imazhi i motrave Vjollca tanimë është një sukses i garantuar dhe mund të krahasohen denjësisht me showgirl-et jashtë kufijve.

Fotot e publikuara në rrjetet sociale janë ndoshta mënyra më e mirë për të krijuar një afri apo komunikim me ndjekësit, dhe Luana e di mirë këtë. Ajo që është vënë re kohët e fundit në fotot që prezantuesja shpërndan është një qasje e këndshme me stilin e përjetshëm të Grace Kelly-t, syze të errëta dhe “le foulard” , shalli i vendosur me elegancë në flokë…

Luana Vjollca

Sekreti i një elegance të përjetshme “le foulard”

Shalli i hedhur rreth kokës, apo i ashtuquajturi “ le foulard” është përdorur qysh në vitet 1920 por ka mbetur gjithmonë në modë. Si sinonimi i elegancës dhe perfeksionit.

Isadora Duncan, balerina e famshme ishte viktimë në fakt e kësaj mode: humbi jetën në vitin 1927 për shkak se mbante një shall të gjatë. “Le foluard” i saj ngeci në rrotat e një mjeti automobilistik në të cilën ajo sapo ishte ngjitur, duke e vrarë balerinën.

Një ikonë që lidhet me këtë modë, është padyshim Audrey Hepburn, që zakonisht e mbante shallin (le foulard) rreth kokës duke e kombinuar me syze të errëta. Një elegancë e vërtetë!

Audrey Hepburn

 

Moda “rikthehet” shpesh në të shkuarën edhe “le foulard” mbetet një pikë referimi gjithmonë i suksesshëm, me elegancën që e përdorte Grace Kelly, aq sa e bëri një aksesor tipik të stilit të saj, madje ajo është quajtur edhe ‘princesha e foulard-it’.

Grace Kelly

E shikojmë të rikthyer denjësisht këtë aksesor tërheqës tek Luana, kombinuar me syze të errëta ashtu siç bënin ikonat e padiskutueshme të historisë së modës si Brigitte Bardot, Audrey Hepburn, Sophia Loren, edhe princesha bionde Grace Kelly që ndoshta kanë frymëzuar edhe prezantuesen shqiptare ashtu si shumë të tjerë…

 

 

As në sfilata nuk ka munguar vitet e fundit ky aksesor, e kemi parë në të gjitha ngjyrat nga klasikët e Hermes e deri tek Gucci me modelet më “vintage”. /Bordo/Anila Dedaj

Tags:

Home bordo

Bordo
Shtator - No.63

SHKARKO VERSIONIN PDF