KreuStil Jetese

Miranda Kerr: Ja si më propozoi themeluesi i Snapchat

Përshtati: Anila Dedaj

Modelja ka rrëfyer se si një miliarder (në këtë rast themeluesi i Snapchat) i ka propozuar për martesë. “Më tha: ‘Miranda, kjo është hera e parë dhe e fundit që ulem në gjunjë’”, – rrëfen ajo. Një ultimatum i fundit që ajo nuk ka ditur t’i rezistojë. Propozimet për martesë nuk parashikojnë rregulla të caktuara. Ka nga ata që e marrin vendimin në mënyrë të përbashkët, kush i beson një shënimi në letër, kush një kënge apo rrjeteve sociale. Ndoshta me një video apo post që mund të bëhet shumë shpejt viral.

Dhe pastaj, është edhe propozimi në mënyrën tradicionale, që nuk e humbet kurrë bukurinë e saj: në gjunjë me një unazë në dorë. E preferuar edhe nga Miranda Kerr, 33-vjeçe. Për t’i kërkuar që të bëhet bashkëshortja e saj, Evan Spiegel, 27-vjeç, i ka bërë disa ndryshime modelit origjinal.

Edhe rezultati është ai që duket, siç thotë ish engjëlli i Victoria’s Secret: “Miranda, ta them tani, kjo është hera e parë dhe e fundit që kam ndërmend të ulem në gjunjë para teje”, – ka thënë pikërisht kështu themeluesi i Snapchat. Një ultimatum kështu, shumë i ëmbël.

Dhe ajo nuk e bëri që ta përsërisë as dhe një herë tjetër. “ Isha kaq shumë nervoze dhe e emocionuar, dridhesha nga lumturia”. Tek e fundit, nuk ndodh çdo ditë që një miliarder bukurosh të të kërkojë të bëhesh gruaja e tij, aq më tepër me një diamant 55 mijë dollarësh.

Kerr dhe Spegel janë njohur në vitin 2014 në një darkë gala të Louis Vuitton dhe kanë lidhur menjëherë miqësi. Fotot e para dorë më dorë rezultojnë në verën e vitit 2015. Me bekimin e Orlando Bloom, ish bashkëshorti i modeles dhe babai i djalit të saj Flynn, 5-vjeç.

Orlando ka një stimë të madhe për të, ka deklaruar modelja kohët e fundit, duke folur për raportet e shkëlqyera midis ishit të saj dhe partnerit aktual.

Tags:

Home bordo

Bordo
Shtator - No.63

SHKARKO VERSIONIN PDF