KreuStil Jetese

Vajza e Johnny Depp: Ju rrëfej luftën time kundër anoreksisë

/Bordo/Anila Dedaj

“Jam shumë krenare për progreset që kam bërë, sot ndihem mirë më trupin tim”

Ajo është prekur nga anoreksia qysh në moshë të re, Lily-Rose Depp rrëfen se nuk ka qenë e pandjeshme ndaj kritikave që i janë bërë. Në moshën 17-vjeçare, aktorja dhe modelja amerikano-franceze nuk është një vajzë si gjithë të tjerat.

Vajza e Johnny Depp dhe Vanessa Paradis, është modele madje tanimë edhe si imazhi i Chanel. Ka ndërprerë studimet për t’iu dedikuar karrierës. Duke qenë një person publik, reflektorët drejtohen shpesh nga ajo. Lily-Rose ka qenë shpesh e kritikuar për faktin se është shumë e dobët.

“Isha shumë e re dhe ishte akoma më e vështirë ta kaloja atë gjendje. Kujt i është dashur të luftojë kundër kësaj sëmundjeje e di se sa e rëndë është. U bënë vite që unë po përpiqem të shëndoshem, kam qenë nën kujdesin e profesionistëve dhe jam shumë krenare për progreset që kam bërë. Më trishton shumë fakti se është përfolur se unë dua t’u jap këtë mesazh të rinjve, duke i ftuar ata të jenë nën peshë. Sot ndihem mirë me trupin tim dhe është pikërisht kjo, ajo që ka më shumë rëndësi, ka shpjeguar ajo për revistën “Elle”.

Një luftë që duke se e ka fituar tanimë. Projekti i saj i ardhshëm? Në vitin 2017 do ta shikojmë në filmin “Planetarium” të Rebeça Zlotowski, në krahë të Natalie Portman, Emmanuel Salinger dhe Louis Garrel.

Tags:

Home bordo

Bordo
Shtator - No.63

SHKARKO VERSIONIN PDF