KreuBordo Men

“Honda CMX 500 Rebel”, tradita e kombinuar me modernen

Bukuria e traditës e kombinuar me detaje moderne karakterizojnë modelin “Honda CMX 500 Rebel”, një motor me shumë personalitet nëpërmjet të cilit japonezët e “Honda”-s rrisin ofertën e tyre për personalizim.

Ky model ka një motor me dy cilindra prej 471 kubikë, çliron 45,6 kuaj fuqi dhe është i pajisur me ftohje të lëngshme. I prodhuar fillimisht duke menduar për të rinjtë amerikanë, ky model ka pushtuar lehtësisht zemrat edhe në Evropë.

“CMX 500 Rebel” karakterizohet nga një pozicionim pilotimi me duart e shtrira dhe pedalet pak të dala përpara. Nga ana tjetër ndenjësja e pasagjerit është lehtësisht e çmontueshme. Motori është menduar që të jetë i fortë dhe njëkohësisht të ofrojë komoditet në rrugë.

Komandat dhe kilometrazhi shfaqen në një ekran të tipit LCD. Në Evropë “Honda” e propozon këtë model në ngjyrat grafit i zi dhe gri opak.

 

 

Bordo
Shtator - No.63

SHKARKO VERSIONIN PDF