KreuArt

Një kopje origjinale e librit “Le Petit Prince” shitet për… 90 000 euro!

Një kopje origjinale e librit Princi i vogël “Le Petit Prince”me katër vizatime dhe dedikime, një nga librat më të lexuar të autorit francez Antoine de Saint-Exupéry, u shit të shtunën në ankand në Paris për shumën 90 000 euro, sipas vlerësimit që iu bë.

Kjo është kopja origjinale e botuar në frëngjisht nga një botim amerikan i “Princit te vogël” që aviatori e autori Saint-Exupéry ia dhuroi mikut të tij Major-kolonel (dhe gjeneral i ardhshëm i Forcave ajrore) Lionel-Max Chassin.

Ajo u vlerësua nga 80 000 deri në 100 000 euro, sipas Shtëpisë së Ankandeve Cazo.
Kopja në fjalë gjeti blerësin e vet të shtunën pasdite, tha përgjegjësi i shitjeve në ankand Wilfrid Cazo, ndërkohë që blerësi mbeti anonim. Kopjet me dedikim të “Princit të Vogël” janë jahtëzakonisht të rrralla.

“Kjo kopje, e dhuruar nga autori fëmijëve të një prej miqve të tij më të ngushtë, në një pako të zbukuruar me dy vizatime të cilës iu shtuan edhe dy të tjera, është një nga më të çmuarat që mund të imagjinohen”, theksoi Wilfrid Cazo. 

 

Tags:

Home Art

Bordo
Shtator - No.63

SHKARKO VERSIONIN PDF