Edicioni i ri i “Mein Kampf” i Hitlerit arrin rekord shitjesh në Gjermani 0 132

Shtjet e librit të Adolf Hitlerit “Mein Kampf”, një manifest i çrregullt i doktrinës naziste, i shfaqur për herë të parë në Gjermaninë e pasluftës para një viti ka arritur shitje rekord.

Ky edicion me kritika i “Mein Kampf”, që lideri nazist e shkruajti kur ishte i burgosur në Mynih në vitin 1920, ka arritur të shitet në më shumë se 85 000 kopje duke habitur edhe vetë botuesit e librit.

“Këto shitje na kanë kapur në befasi”, tha Andreas Wirsching i Institutit të Historisë Bashkëkohore (IFZ) dhe kryetar i grupit të botuesve.

“Asnjëri nuk e priste këtë”, vazhdoi Wirsching.

IfZ është duke planifikuar botimin e një edicioni të gjashtë që pritet të publikohet në fund të këtij muaji, ndërkohë që publikimi i parë i këtij libri përbëhej nga vetëm 4 000 kopje.

Në këtë libër, Hitleri shfaqi antismeitizmin e tij dhe i bëri thirrje gjermanëve që të krijojnë hapësirën e tyre jetuese, argumenta që i hapën rrugën agresionit ushtarak nazist ndaj Evrops Lindore.

Edicionin aktual, ku teksti origjinal i Hitlerit ishte shoqëruar nga komente të ekspertëve dhe arrin rreth 2000 faqe, u shfaq në tregun gjerman në 8 janar 2016, pasi e drejta e autorësisë që kishte shteti i Bavarisë mbaroi.

Libri ishte ndaluar në vend për rreth 76 vite.

Me shumë mundësi është edhe veçantia e kritikës përveç kuriozitetit për të lexuar një libër kaq shumë vite të ndaluar që ka tërhequr kaq shumë interes.

Hitleri e shkruajti këtë libër në dy volume në mes të viteve 1920 pasi ai ishte futur në burg për shkak të një grushti shteti që dështoi në Mynih në vitin 1923.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *