Rrëfehet ish-Missi shqiptar që punoi për Donald Trump: Ai nuk më pëlqen, por…

Në vitin 2013 ajo u shpall Miss Kosova, një titull që i hapi rrugën karrierës së saj si modele. Mes shumë sukseseve ajo numëron punën për agjencinë e Donald Trump, firmën prestigjoze “L’Oreal” etj. Mirjeta Shalakujton me emocion dhe nostalgji trofetë dhe kurorat që sot mbajnë një histori suksesi në jetën e saj. Mirjeta jeton prej disa vitesh në Shtetet e Bashkuara të Amerikës, ku suksesi vetëm e ndjek, e njerëzit vetëm e duan dhe e adhurojnë. Është shfaqur në kopertinat e revistave më prestigjioze, por ka vendosur të ndajë gjithçka me dritare.net për fansat e saj e të gjithë ata njerëz që e duan e dëshirojnë të dinë diçka më shumë për karrierën e saj në Amerikë, por edhe jetën private. Ajo ka folur lidhur me bashkëpunimin me “Trump’s Model”. “Nuk e kam takuar asnjëherë Trumpin, pavarësisht se punoja për të. Agjencia ka rregulla shumë strikte”, tregon ajo. E pyetur nëse e pëlqen presidentin e ri, ajo përgjigjet: Jo, aspak, ai nuk më pëlqen. Megjithatë, e uroj të jetë një President i mirë. Lidhur me faktin që ka arritur të bëhet e para shqiptare imazh i “L’Oreal”, Mirjeta thotë se është gjithmonë një emocion kur e kujton. Ish-Missi thotë se sekreti për të qenë e suksesshme është mjaft i thjeshtë: “Sekreti mbetet të besosh tek vetja, tek potenciali yt. Nëse mendon pozitivisht ashtu do të ecin gjërat. Thjesht nuk duhet të dorëzohesh kurrë dhe për asgjë në botë”.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *