KreuCelebrity

Valentino, perandori i fundit i modës mbush 85 vite

Për më shumë se gjysmë shekulli, ka veshur femrat më të famshme dhe glamur në botë me veshje të paharueshme, një shije të jashtëzakonshme dhe një elegancë të përjetshme. Sot një prej monumenteve të alta moda italiane, Valentino Garavani, kalon pragun e 85 vjeç.

Valentino Ludovico Clemente Garavani lindi më 11 maj 1932 në Vogera, në provincën e Pavias. Që kur ishte adoleshent ishte i tërhequr nga krijimtaria e rrobaqepsisë duke ndjerë një dedikim të pastër drejt bukurisë femërore. Sikurse kishte deklaruar në një intervistë për emisionin “Che Tempo Che Fa”, “kjo ishte një obsesion drejt gjërave vizive” që e nxiste të krijonte të bukurën kudo që ndodhej dhe të dëshironte ta shprehte nëpërmjet krijimeve të tij.

Në moshën 17-vjeçare, duke parë me motrën filmin “Ziegfeld Girl”, mbetet i goditur nga bukuria e Lana Turner dhe e Judy Garland, muzat që do e nxisin të lërë shkollën dhe të transferohet në Paris për t’u bërë një dizenjues i modës.

Pas disa vitesh praktikë në studiot e Jean Dessès dhe të Guy Laroche, kthehet në Romë ku themelon, në vitin 1957, “la maison Valentino”. Që në vitet e para, krijimet e tij bien në sy dhe dallohen menjëherë nga një ngjyrë, e kuqja e ndezur që do të bëhetë më pas e ikonikja  Rosso Valentino që edhe sot e dallon këtë markë. Këto janë edhe vitet kur lidhet me Giancarlo Giammetti, partner në punë dhe për më shumë se 10 vite edhe në jetë, i cili duke iu dedikuar menaxhimit strategjik dhe financiar të kompanisë do të bëjë ndër vite të shndërrohet në kolosin e modës që është sot.

Gjeni në galerinë e fotove disa prej veshjeve më të bukura në pasarela dhe mbi tapetin e kuq të stilistit italian.

Bordo
Shtator - No.63

SHKARKO VERSIONIN PDF