KreuCelebrity

9 paraqitjet e Arbanës në këtë edicion të Big Brother

Ajo është një nga figurat më të njohura të ekranit. Prezantuese e shumë emsioneve të ndryshme, Arbana Osmanin tashmë jemi mësuar ta shohim të drejtojë spektaklin e formatit Big Brother. Të gjithë kthejnë sytë nga moderatorja të shtunave, jo vetëm për mënyrën e menaxhimit të situatave gjatë një transmetimi live, por edhe për veshjen me të cilën ajo vendos të paraqitet një mbrëmje apo tjetrën. Komentet janë dhe vazhdojnë të jenë të shumta, ndërsa moderatorja zgjedh t’i kalojë ato me qetësi dhe humor (ose të paktën kështu duket në sytë tanë). Të shtunën e tetë, Arbanën e pamë veshur me një kostum të bardhë, i cili nuk ekspozonte asgjë të tepruar dhe kjo nuk u kalua pa koment nga vetë prezatuesja, që ndër të tjera tha: “Kam hequr dorë nga minifundet, se tani jam bërë nënë dhe nuk më takon të vishem më aq … shkurt” –  drejtuar kjo me ironi kundrejt fansave, të cilët e kishin kritikuar për fustanin jeshil ekstremisht të shkurtër, që Arbana kishte veshur një javë para. Megjithatë, ky premtim u thye më 13 maj, ku spektakli i Big Brother e gjeti moderatoren të paraqitur me këmbët dhe gjoksin e ekspozuar. Por, kjo nuk i shqetëson të gjithë, madje disa inspirohen nga look-u i Arbanës, duke qenë se kjo e fundit shpesh zgjedh veshje të veshura nga VIP-a të huaj, si Kourtney Kardashian etj. Në galeri do të gjeni paraqitjet e saj në këtë edicion të BB. Cila është e preferuara juaj?

Bordo
Shtator - No.63

SHKARKO VERSIONIN PDF