Yjet përmbysin Kanën 0 151

Shi yjesh në Croisette për edicionin e 70-të të Festivalit të Kanës. Në juritë e ndryshme janë emra të njohur si Jessica Chastain, Will Smith, presidenti Pedro Almodovar, Uma Thurman etj. Por e para nga të gjithë është kumbara e festivalit Monica Bellucci, protagoniste si në hapjen e tij në 17 maj edhe në mbyllje në 28.

Nicole Kidman është padyshim mbretëresha e këtij ediconi, protagoniste me tre filma , ku dy prej të cilëve në garë, “L’Inganno” i Sofia Coppola dhe “The Killing of a Sacred Deer” i Yorgos Lanthimos dhe një seri mes ngjarjeve speciale, “Top of the lake: China Girl” i Jane Campion.

Do të shikojmë Kristen Stewart, në rolin e saj si regjisore, në filmin me metrazh të shkurtër “Come Swim”.Nga SHBA mbërrijnë Joaquin Phoenix protagonist i “You were never really here” i skocezit Lynne Ramsay, kasti i yjeve “The Meyerowitz Stories” i Noah Baumbach me Dustin Hoffman, Ben Stiller, Adam Sandler, Emma Thompson dhe Candice Bergen.

Askush nuk mund të bëjë pas Isabelle Huppert, qoftë Kana apo Venecia. Ajo do të jetë protagoniste e “Happy End” të Michael Haneke me Jean Louis Trintignant dhe Mathieu Kassovitz. Me pas akoma Julienne Moore e plakur për filmin “Wonderstruck” të Todd Haynes, Robert Pattinson për “Good time”, Ellen Fanning, Kirsten Dunst e Colin Farrell për “L’inganno” të Sofia Coppola.

Cilat yje do të jenë të pranishëm në mbrëmjen e bamirësisë së kinemasë kundër Aids? Pritet të jenë në 25 maj në Hotel du Cap, Nicole Kidman, Jessica Chastain, Dustin dhe Lisa Hoffman, Diane Kruger, Milla Jovovich, Eva Longoria, Carine Roitfeld, Harvey Weinstein, Pedro Almodovar, David Lynch, Vanessa Redgrave dhe Kenneth Cole .

Mes mbrëmjeve që do të zhvillon spikat edhe ajo e 21 majit në Fashion For Relief i organizuar nga Naomi Campbell në Cannes Mandelieu Hangar: ngjarja e bamirësisë që do të ndihmojë të mbledhë fonde për Save The Children dhe fushatat e saj në favor të fëmijëve viktima të luftërave dhe fatkeqësive natyrore.

Në 19 maj në Croisette do të jetë edhe Rihanna, këtë herë si stoliste e bizhuve, për lançmin e linjës së realizuar për Chopard, i cili është ndër sponsorët e festivalit.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *