KreuKuzhine

Katër receta kokteilesh inspiruar nga i famshmi ‘4th of July’ amerikan

Është data më e shenjtë për të gjithë amerikanët, për hir të së cilës organizohen aktivitete të pafundme e planifikohen pushime për shumicën e institucioneve. Dita e Pavarësisë për SHBA mbetet e famshme për të gjithë botën, e me afrimin e saj, çdo media e shkruar apo vizive përgatitet pak nga pak për atë çfarë pritet të ndodhi në këtë ditë. Revistat më pretigjoze të modës iu kushtojnë artikuj flokëve, thonjëve, veshjeve e shumë elementeve të tjerë të paraqitjes së jashtme, për të cilat mund të inspirohesh fare mirë nga 4 korriku. Duke qenë se e sotmja shënon pikërisht këtë datë, ne më poshtë do t’ju sugjerojmë disa ide kokteilesh, të cilat mund t’i realizoni fare mirë këtë mbasdite apo një tjetër. Duhet të keni parasysh: gotat do të mbushen me ngjyrat e flamurit amerikan! Sapo i shtuam të tjera doza nuancash ditës tuaj, apo jo?

STAR-SPANGLED PUNCH

Përbërësit:

1.5 filxhanë Smirnoff Peach (pjeshkë)

3 filxhanë lëng qershie

¼ filxhanë lëng limoni

Pjeshkë të freskëta

Përgatitja:

Hidhini përbërësit në gotë sipas rradhës dhe përziejini. Zbukuroni gotën me copat e freskëta të pjeshkës.

RED, WHITE AND BLUE SANGRIA

Përbërësit:

2 shishe lëng manaferre

1 kanaçe ujë are-kokosi

1 shishe 750ml verë të bardhë

2 filxhanë luleshtrydhe

1 filxhan manaferrë e kuqe

2 filxhanë manaferrë blu

Përgatitja:

Vendosini frutat në një enë të madhe. Shtoni verën e bardhë, e më pas lëngun e manaferrës, si dhe ujin e arës së kokosit. Përziejini pak dhe futeni enën në frigorifer. Lëreni për dy orë, deri sa shijet të përzihen të gjitha së bashku.

BOOZY SLUSH PINK HEELS

Përbërësit:

Shtresa blu

2 filxhanë akull

60 ml shurup Blue Curacao (ose diçka e përngjashme)

1 filxhan limonatë të bërë në shtëpi

Shtresa e bardhë

2 filxhanë akull

60 ml SMIRNOFF Red, White & Berry Vodka

1 filxhan limonatë të bërë në shtëpi

Shtresa e kuqe

1 ¼  filxhanë me luleshtrydhe të prera në copa

60 ml SMIRNOFF Red, White & Berry Vodka

¼  limonatë të bërë në shtëpi

Përgatitja:

Përzieni secilën shtresë më vete, deri sa të marri trajtë plotësisht të lëngshme. Vendosini të ndara në ngrirje, deri sa ta kuptoni se masa e formuar mund të qendrojë e ndarë nga tjetra. Pas kësaj kohe, hidhini në gotë sipas rradhës.

BLUE GRAPEFRUIT COSMO

Përbërësit:

60 ml Blue Ice Vodka

30 ml liker Blue Curacao

1 lugë gjelle shurup shege

15 ml lëng rrushi

15 ml shurup i thjeshtë ëmbëltues

Përgatitja:

Në një përgatitës kokteilesh, shtoni të gjithë përbërësit e mësipërm, përveç shurupit të shegës. Përziejini mirë dhe sigurohuni të jetë i ftohtë sa duhet. Hidheni në një gotë martini dhe shtoni masën e nevojshme të shurupit të shegës.

Bordo
Shtator - No.63

SHKARKO VERSIONIN PDF