Ja yjet që dikur…  askush nuk ua hidhte sytë! 0 110

Ato janë top-modele, femrat më të bukura e më të kërkuara të botës, e megjithatë, edhe ato kanë pasur probleme zemre ose tallje masive në adoleshencë! Na duket e paimagjinueshme sot, me gjithë ata fansa dhe miliona ndjekës në rrjetet sociale. Por edhe yjet kanë pasur të tilla probleme në shoqëri e adoleshencë, përpara se të bëheshin të famshme. Ne ju sjellim disa prej rrëfimeve më pikante të modeleve më të famshme të momentit!

Karlie Kloss, pohon se gjithmonë ka qenë pjesë e ‘friendzone’. Ajo i hapi zemrën shokut të saj të kolegjit duke i thënë ‘Të dua, a do që të dalim bashkë?’ dhe ai i theu zemrën sepse e konsideronte vetëm si shoqe.

Gisele Bündchen, super modelja më e paguar në botë, ka qenë viktimë e bullizmit. Ajo ishte gjithmonë më e gjata, që në moshën 14-vjeçare dhe të gjithë e tallnin. E quanin ‘Olivia’ si gruaja e figurës ‘Braccio Di Ferro’, gjirafa dhe madje vinin baste se cili do të arrinte të puthte këtë ‘rosak të shëmtuar’.

Rosie Huntington Whiteley, sot modelja është bashkëshortja e aktorit Jason Statham dhe ka një fëmijë me të, por edhe ajo vite më parë ka qenë viktimë e bullizmit. Një grup vajzash në shkollë, sipas saj e ndiqnin në tualet dhe e kërcënonin. Madje asnjë djalë nuk donte të shoqërohej me të. Ama sot, fatmirësisht, gjithçka ka ndryshuar për Rosie-n!

Besojeni ose jo, por ylli i Victoria’s Secrets Lily Aldridge e kishte të pamundur të tërhiqte vëmendjen e meshkujve gjatë periudhës së shkollës. Mundohej të dukej sa më femërore në veshje, por më kot!

Edhe Taylor Hill nuk e gëzonte simpatinë e meshkujve në shkollë, ndërsa sot, ata mundohen t’i afrohen duke i thënë se kanë ndjekur të njëjtat leksione. Megjithatë, modelja kujton se në vitet e gjimnazit ajo ishte inekzistente për shoqërinë e tyre.

Modelja Marth Hunt kërkonte t’u bëntë përshtypje meshkujve, por ishte shumë e gjatë dhe e shtrëmbër. Ajo është zhvilluar pak me vonesë dhe tregon se ka qenë më e shëmtuara e klasës!

Që të kishte probleme edhe Irina Shayk nuk na e merrte mendja! Ajo, madje dëshironte që të ishte mashkull, që të kishte më pak probleme. Askujt nga seksi i kundërt nuk i dukej tërheqëse Irina!

Modelja Joan Smalls në adoleshencë ëndërronte të dukej seksi, por ishte tepër e dobët. Ajo vishte nga dy palë geta që të dukej me forma pak më të mbushura. Iu deshën kohë që të pranonte realitetin!

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *