Beyonce përcjell mesazhe të forta kundër dhunës ndaj vajzave në klipin e ri 0 113

Këngëtarja Beyonce Knowles ka publikuar videoklipin e ri me titull “Liria”, për nder të Ditës Ndërkombëtare të Vajzës e cila ishte dje, në 11 tetor. Në klip shfaqen vajza të vogla nga e gjithë bota të cilat kërcejnë e  interpretojnë fort e në një mënyrë të ashpër ekspresive ashtu si vetë Beyonce.

 

Ndërkohë që vajzat performojnë, në klip shfaqen statistika mbi dhunën kundër vajzave në botë. Ja disa prej mesazheve të shfaqura: “Jepini fund dhunës ndaj vajzave”, “Lërini vajzat të shkojnë në shkollë”, “Jepini fund martesës së vajzave të vogla”. “Vajzat përreth botës po luftojnë për lirinë e tyre çdo ditë. Bashkohuni me to,” është  mesazhi përmbyllës në fund të videos.

Klipi është realizuar në bashkëpunim me “Chime for a change” një fushatë për ngritjen e fondeve dhe ndërgjegjësimit për gratë dhe vajzat anembanë globit dhe “Qëllimet Globale”, e cila trajton çështjet që përfshijnë varfërinë, urinë dhe arsimin. Videoja është e dyta e akteve bamirëse të Beyonces këto kohë, pas remiksit të saj “Mi Gente”, të ardhurat e të cilave do t’u dhurohen viktimave të stuhive dhe tërmeteve në Meksikë, Porto Riko dhe ishuj të tjerë të Karaibeve.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *