Nga pasarela ne trupin e Kim: ja tendenca e re e vjeshtës!

Nuk është aspak çudi nëse veshjet e pasarelave ju mrekullojnë kur i shihni të ekspozuara gjatë shfaqjeve të modës, por nga ana tjetër e gjeni krejt të paperceptueshme të adaptoni të njejtin stil në përditshmëri. E tillë ka qenë edhe tendenca më e re për pranverën e 2018, ku dallohet qartazi kombinimi i bluzave apo xhaketave me pantallona të shkurtra pak sipër gjurit, ngjitur pas trupit. Një risi e tillë spikati në pasarelën e Off-White, Dolce&Gabbana, Dion Lee etj. Në dukje e pamundur për t’u veshur në jetën e përditshme, Kim Kardashian vërteton krejt të kundërtën.


Kim kishte zgjedhur këtë herë të mos eksperimentonte shumë me ngjyrat, duke kombinuar një bluzë gri me mëngë të gjata në pjesën e sipërme me pantallona të zeza, si ato të lartpërmendurat. Çka dallonin më shumë ishin çizmet e po së njejtës ngjyrë, të gjata deri në afërsi të gjurit. Një stil i tillë mesa duket funksionon më së miri si tendenca më e re e kësaj vjeshte, edhe pse firmat më në zë të modës e ekspozuan për koleksionin e pranverës së vitit të ardhshëm. Por, si jo rrallë herë, Kim sjell plot risi kur vjen puna tek veshjet. Po ju, do ta provonit një kombinim të këtij lloji?



No Comments Yet

Leave a Reply

Your email address will not be published.