Ish-aktori i mirënjohur i “Portokallisë” Erion Isai ka qenë dje i ftuar në emisionin “Rudina”, për të diskutuar mbi jetën personale dhe profesionale të tij. Bashkë me të ka qenë edhe bashkëshortja e Erionit, Ajlin.
Në emision, Erioni ka ndarë edhe një nga momentet më të trishta që ka përjetuar ndonjëherë. Ai tregon se si çifti ka humbur fëmijën e parë gjatë disa pushimeve të çmendura, pasi partnerja e tij ka patur edhe një shtatzënësi tjetër përpara se vajza e tyre, Ajër, të vinte në jetë.
“Ne nuk e dinim në fakt që Ajlin ishte shtatzënë dhe u nisëm për disa pushime të çmendura, gjatë së cilave ajo pësoi një abort spontan.” – tregoi Isai.
Megjithatë, me ardhjen në jetë të vajzës së tyre Ajër, çifti ka lënë mënjanë çdo trishtim, për t’iu përkushtuar vajzës së tyre. Në emision u treguan dhe klipe nga koha e Erionit shpenzuar me vajzën e tij, ku duket qartazi përkushtimi dhe dhembshuria e një babai të dashur.
Aktualisht, ish-aktori i “Portokallisë” ka në dorë projektin e “Kënga Magjike 2017”, ku në krah të tij do të jetë edhe kolegu Bes Kallaku. Në një intervistë për Bordo, Erion Isai shpalos çdo detaj të këtij projekti të rëndësishëm.