Kate Middleton, kthim pas në kohë me këtë pritje të ëmbël! 0 88

Dukesha Kate Middleton ka treguar se ndihet më mirë tani nga problemet me Hyperemesis gravidarum që ka vuajtur në muajt e parë të shatëzanisë! Dukesha është sërish e pranishme në evente e pritje të rëndësishme dhe duket kaq bukur!

Duket se Kate i dashuron të gjitha veshjet e saj, dhe gjatë pritjes së ëmbël rikthen në vëmendje veshje me të cilat është shfaqur edhe më parë! Ajo ka bërë një vizitë ditën e sotme në Qendrën e Fëmijëve në Hornsey Road, për të takuar prindër e fëmijë që përfitojnë prej saj.

Si një nënë e ardhshme, ajo kishte zgjedhur të nxirrte nga garderoba e saj një pallto ngjyrë kremi, një veshje të zezë nën të, geta të zeza e çizme të sheshta. Me siguri që të gjitha të apasionuarat pas stilit të Middleton e kujtojnë këtë veshje!

Ajo e ka veshur katër vite më parë, ndërkohë që përjetonte shtatëzaninë e saj të parë me princin George. Ishte viti 2013 kur ajo ishte gjatë një vizite në “Child Bereavement UK”, një organizatë bamirësie kushtuar njerëzve që kanë humbur personat e tyre të dashur.

Middleton preferon që herë pas here të përsërisë look-un e disa viteve më parë, shpesh duke i shtuar elementë të rinj si kapelet elegante mbretërore, apo spilat plot stil. Pavarësisht veshjeve të reja apo të vjetra, Kate Middleton di të duket gjithmonë bukur e me klas! Ju sjellim disa momente ku dukesha ka përsëritur veshjet në daljet publike!

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *