Edhe një institucion i rëndësishëm kulturor në vend ka rënë pre e hajdutëve! Në Teatrin “Skampa” të qytetit të Elbasanit ka ndodhur një ngjarje e rëndë! Mbrëmjen e kaluar janë vjedhur paratë në kasafortën e teatrit e cila ndodhet në zyrën e financës.
Nga forcat e policisë në vendngjarje mësohet se hajdutët, ende të paidentifikuar, kanë hyrë nga dera në pjesën e pasme të teatrit e kanë kryer grabitjen, shuma e saktë e së cilës nuk është bërë e ditur.
Paratë e vjedhura ishin grumbulluar prej shitjes së suksesshme të biletave nga vënia në skenë e shfaqjes “Babai”, një komedi e trishtë në të cilën interpreton artisti Reshat Arbana. Urojmë që grabitësit të cilët nuk kursyen as teatrin të kapen sa më shpejt!