Një foto që s’është parë kurrë më parë, nudo, e artistit të ndjerë Tupac Shakur, do të dalë në ankand ditën e sotme.
Çmimi fillestar i fotos do të jetë 15.000 dollarë, dhe ankandi do të mbahet në shtëpinë e ankandeve “Gotta Have Rock and Roll”.’
Ish-e dashura e Tupac-ut, e cila zgjedh të qendrojë anonime, ka shkrepur foton e diskutueshme.
“Kjo foto është shkrepur në vitin 1990, në një festë në Marin County. Gjithnjë hokatar, Tupac ulte ndonjëherë pantallonat dhe i surprizonte të gjithë të pranishmit.” – tregon ajo.
“Atë natë, kur sapo do shkrepja një foto grupi, ai i uli sërish pantallonat! I thashë që do ta afroja kuadrin e kamerës tek ai, nëse nuk i ngrinte pantallonat shpejt, por ai thjesht nënqeshi dhe qendroi në vend. Dhe kështu, u shkrep fotoja e famshme!”
Krahas fotos, do të dalë në shitje edhe certifikata e vdekjes e reperit të famshëm, me vlerë fillestare 5000 dollarë.
Fansa të Tupac-ut, keni ndërmend të blini gjë?