Pak ditë më parë, mbretëresha Elizabetë festoi 70-vjetorin e martesës me bashkëshortin e saj, princin Philip. Një celebrim madhështor për nder të çiftit mbretëror u mbajt në kështjellën Windsor, ku e gjithë familja mbretërore dhe personalitete të shquara morën pjesë në festimet e përvjetorit të platintë.
Domosdo, as nipi i Mbretëreshës, princi William nuk ka munguar, së bashku me bashkëshorten e tij, Kate Middleton.
Një detaj është vënë re te veshja e Kate: Dukesha ka vendosur varësen me perla që i përket yllit të mbrëmjes, vetë Shkëlqesisë së saj Mbretëreshës. Vetë monarkja, gjyshja e princit William, duhet t’ia ketë huazuar për këtë rast të veçantë.
Varësja luksoze me perla dhe diamantë është mbajtur nga Elizabeta II në vitet 1980 dhe 1990, dhe i është dhuruar Mbretëreshës nga qeveria japoneze.
Edhe e ndjera princeshë Diana e ka vënë varësen në një banket në Hollandë, në vitin 1982.
Për pjesën tjetër të veshjes, Kate Middleton ka zgjedhur një fustan të zi Diane von Furstenberg, të cilin e ka veshur edhe kur ishte shtatzënë me princeshën Charlotte, si dhe vëthë perle dhe diamanti, stoli të princeshës Diana (ilustruar më lart).
Gjynah të mos trashëgohen stoli të tilla, kaq të bukura dhe të kushtueshme! Kalimi i stolive ikonë është traditë në familjen mbretërore, dhe me shumë të drejtë.