“Star Wars”, premiera e javës në kinema Millennium 0 32

Epik për nga zhanri, epik për nga jehona që e parashoqëron, “Star Wars: The Last Jedi” vjen premierë për publikun shqiptar në kinema Millenniium ku do të fillojë projeksionet në datën 14 dhjetor.
 Me tapetin e kuq londinez, mbrëmjen e 12 dhjetorit,  unanimitetin e kritikës në vlerësimin absolut dhe parashikimet për rreth 200 milionë dolalrë arkëtime vetëm në fundjavën e parë të projeksioneve, saga fantastiko-shkencore ecën e sigurtë me kapitullin e saj më të ri. Filmi lançohet 40 vite pas “Star Wars: Episode IV – A New Hope” (1977) duke shënuar 40 vjetorin e sagës “Star Wars”. Filmi i vijon ngjarjet pikërisht aty ku i ka lënë  “Star Wars: The Force Awakens” (2015). Pasi ka bërë hapat e parë në botën Jedi, Rey bashkohet me Luke Skywalker në një aventurë me Leia, Finn dhe Poe gjatë të cilës do të hapin misteret e Forcës dhe sekretet  e të shkuarës.
 
“Star Wars: The Last Jedi” i njohur gjithashtu me emrin “Star Wars: Episod VIII – The Last Jedi” është shkruar dhe drejtuar nga Rian Johnson. Është i dyti film i vijimit të triologjisë “Star Wars” duke ndjekur “Star Wars: The Force Awakens” (2015).
Filmi është prodhuar nga Lucasfilm. Në rolet kryesojnë interpretojnë: Mark Hamill, Carrie Fisher, Adam Driver, Daisy Ridley, John Boyega, Oscar Isaac, Andy Serkis, Lupita Nyong’o, Domhnall Gleeson, Anthony Daniels, dhe Gëendoline Christie,në rolet që patën,së bashku Kelly Marie Tran, Laura Dern, dhe Benicio del Toro që i bashkohen kastit. Filmi shënon rolin e fundit të Carrie Fisher dhe madje është dedikim kushtuar asaj që u nda nga jeta në dhjetor të vitit 2016. Asnjë nga skenat ku shfaqet aktorja nuk është hequr gjatë posproduksionit të filmit.
 
Filmi si në çdo kapitull të sagës është mjaft popullor duke çuar në parashitjen e biletave. Në Fandango rrjeti i shërbimit u bllokua nga trafiku i prenotimeve. Në Shtetet e Bashkuara të Amerikës dhe në Kanada, ekspertët  prashikojnë një arkëtim prej 200 milionë dollarësh në rreth 4 mjë salla kinemaje përgjatë fundjavës së parë të projeksioneve.
 “The Last Jedi” pati premierën e tij botërore në Los Angeles më 9 dhjetor 2017. ndërsa premiera europiane është pikërisht  më 12 dhjetor në London’s Royal Albert Hall.
 
 
 
Vlerësimet e kritikës për filmin
 
Josh Horowitz: “Filmi ka momentet më të fuqishme se çdo film tjetër i Star Wars që më vjen në mendje Saga është në duar të sigurta.”
 
Germain Lussier: “Unë nuk mund të besoj se Jedi i fundit ekziston, Rian Johnson është i çmendur, e adhuroj, Ai sjell Star Wars në limit. Një film fantastik që do të bëjë të flitet edhe për shumë kohë akoma”
 
Rachel Heine: “Sinqerisht nuk kam fjalë. Gati më vjen të ulërij nga befasia”
 
Eric Vespe: “Është i pabesueshëm. Personazhet janë në qendër të gjithckaje, skenat e aksionit janë fantastike dhe filmi mbledh të gjithë frytet e emocioneve të një dekade. Do vazhdoj ta shoh dhe ta rishoh përsëri edhe shumë herë të tjera”
 
Perri Meniroff: “Rian Johnson dhe skuadra e tij sjellin suspansë, të qeshura, emocione, por mbi të gjitha çojnë një hap përpara për të gjithë personazhet dhe për vetë sagën. Ka një material të pasur për t’u eksploruar në të ardhmen.”
Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *