Viti i Ri është njëkohësisht edhe periudha e dhuratave. Dhurojmë dhe na dhurojnë, dhe në secilin rast kënaqësia është shumë e madhe. Një nga surprizat e saj për këtë fundvit e ka publikuar Jonida Vokshi në Instagram, ndërsa emrin e personit që është kujdesur të lumturojë Jonidën e njohim shumë mirë!
Bëhet fjalë për Elvana Gjatën, ndërsa të gjithë e dimë miqësinë e ngushtë mes tyre. Këngëtarja i ka dhuruar mikeshës së saj një shportë me pije e çokollata, ndërsa Jonida nuk e ka lënë pa një falenderim. “Ma bën jetën më të bukur çdo vit! Falemnderit gjysma ime, Elvana Gjata!”, ka shkruar Vokshi, duke na rikujtuar kështu marrëdhënien tipike prej shoqesh të ngushta.
E kush nuk i do dhuratat, sidomos kur vijnë nga njerëz të afërt?