10 fytyrat e Oldman! Rolet ikonike të (super) aktorit, që vështirë të harrohen… 0 160

Mbrëmja e djeshme e ceremonisë së ndarjeve së çmimeve Oscar ishte deri diku e parashikueshme. Buja dhe trofetë e marra në festivale paraprake nga ana e ‘Shape of Water’ të shtynin të mendoje se statuja për Best Picture do të shkonte pikërisht për këtë të fundit. Disa e quajtën të pamerituar, por ja që Del Toro u vlerësua si regjisori më i mirë, dhe jo vetëm.

E ndonëse që sot kanë filluar ankesat për fituesit në disa prej kategorive kryesore, askush nuk mund të mohojë vlerësimin maksimal që iu dedikua Gary Oldman. Anglezi rrëmbeu vëmendjen e publikut dhe kritikës me rolin e Churchill në ‘Darkest Hour’. Përpos punës së jashtëzakonshme të grimit, ishte Oldman ai që kishte përvetësuar në çdo qelizë personazhin, për të ‘hipnotizuar’ shikuesin. Nga zëri, e deri tek plastika, vështirë të bëje dallimin mes Churchill (për aq sa e njohim nga video-materialet e lëna pas) dhe aktorit.

Është disi e zakonshme që filmat biografikë t’i sjellin statujën Oscar aktorëve në rolet kryesore, por le të themi se Oldman nuk përfshihet fort në këtë kategori. Puna dhe kontributi i tij si aktor në kinema është i pamohueshëm, e Churchill nuk është i vetmi rol ku aktori na ka lënë gojëhapur. Për të gjithë ata që e duan sadopak filmin, personazhi i antagonistit në ‘Leon The Professional’ mbetet ikoniku, ashtu sikurse transformimet në të tjera prodhime ndër vite na kanë dhënë bindjen se Oldman e ka rrëmbyer Oscar-in e tij që në fillimet e karrierës.

Ne sot ju kujtojmë dhjetë nga rolet më të spikatura të anglezit, që do t’ju bëjnë të kuptoni pse statuja e fituar mbrëmjen e shkuar është më shumë se e merituar. Cili është filmi juaj i preferuar?

Meantime

Sid and Nancy

True Romance

Leon The Professional

Bram Stoker’s Dracula

The Fifth Element

Immortal Beloved

Hannibal

Harry Potter

 

Darkest Hour

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *