Nesër Dita e Verës, ja mënyra e thjeshë si t’i përgatisni ballokumet në shtëpi 0 352

Nesër është Dita e Verës dhe nëse të gjithë po presim me padurim festimet nëpër qytet, po me kaq padurim po presim të shijojmë edhe ballokumet, ëmbëlsirën tipike të kësaj dite. E në vend që t’i blini, mund t’i prgatisni fare mirë edhe vetë në shtëpi. Prandaj po ju tregojmë recetën e ballokumeve tradicionale të Elbasanit.

Përbërsit: 1 kg miell misri, 500 gr gjalpë, 8 kokrra vezë 1 kg sheqer

Në një enë të madhe hedhim sheqerin, nëse është e mundur të përdoret sheqer i imët (por jo sheqer pluhur). Mund të përdorim një enë qelqi ose siç e thamë më sipër ideale është enë prej bakri e pa kallajisur. Në enë më pas hedhim dhe gjalpin e shkrirë por jo shumë të nxehtë. Të dy përbërësit i rrahim fort derisa të na krijohet një shkumë. Procesi rrahjes mund të zgjas rreth gjysmë ore. Sheqeri së bashku me gjalpin duhet të jezohet. Nëse e prekim me dy gishta, duhet të hapet je. Më pas shtojmë vezët një e nga një, duke vazhduar ti rrahim. Kur të hedhim vezën tjetër duhet ta kemi trazuar derisa veza mëparshme të jetë përzier komplet. Pra të kemi parasysh që çdo 3 minuta të hedhim një vezë duke mos e ndaluar rrahjen. Në hapin e fundit, me kujdes hedhim miellin e misrit.

Miellin duhet ta hedhim edhe në këtë rast pjesë pjesë duke e trazuar vazhdimisht. E trazojmë mirë në mënyrë që të mos na krijohen kokrriza. Në qoë se përbërja është shumë e qullët mund ti shtojmë edhe pak më shumë miell. Masën e përgatitur e lemë të qetësohet për 20 minuta. Për ti pjekur ballakumet Elbasanit, në një tavë mund të vendosim letër kuzhine ose ta lyejmë me pak gjalpë dhe spërkatim me miell. Më pas me lugë druri hedhim në tavë brumin pa qënë nevoja ti japim forma. Ballakumet i pjekim në furrë 150°C përreth 40-45 minuta. Ballakume Elbasani mund ti shërbejmë gjate ditës së verës!

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *