Të gjithë kemi qenë kurioz se ka nisur të punojë Mario me Kim Kardashian dhe këtë sapo e mësuam. Njohja e tyre daton shumë vite më parë dhe Mario, ka treguar se ka pranuar të jetë grimieri i saj personal, atëherë kur të gjithë ishin kundër këtij bashkëpunimi, sepse sipas tyre Kim nuk premtonte asgjë në të ardhmen.
Ishte viti 2008 dhe Mario punonte si grimier në revistën “Fox”. Me Kim Kardashian, u njohën pikërisht aty, gjatë një seti fotografik që ylli i serialit ‘Keeping Up With Kardashian’ do të bënte për revistën ‘Social Life’. Nëpërmjet një postimi në rrjetet sociale, Super Mario, u ka kthyer një përgjigje të gjithë atyre skeptikëve që mendonin se karriera e tij krah Kimit, do të merrte fund brenda pak vitesh, por jo vetëm që nuk ndodhi kështu, por sot ato janë model frymëzimi, përcaktues trendesh dhe ndër personat më me influencë në industrinë e modës.
“Ky ishte kalendari im në vitin 2008, që e kam ruajtur akoma. 10 vite më parë, më 5 prill 2008 kam takuar Kim Kardashian në një set fotografik. Unë në fillim nuk e kam pranuar një punë të sepse po punoja në Fox pasdite, ku kisha mundësi për të marrë disa dollar shtesë. Deri atëherë, ishte një make up artist me një karrierë 8 vjeçare, në dasma, TV, editorial, klientë personalë. Fillova të punoja me disa këngëtare dhe aktore rreth asaj kohe, pastaj takova Kim dhe fillova të punoja më shpesh me të. Të bërit një reality show me në qendër familjen dhe ngjarje nga jeta personale, ishte diçka e re. Ndërkohë unë po punoja me yje në botën e modës- me yje. Kur Kim më propozoi që të punoja më të, agjenti im më kërkoi që ta refuzoja si ofertë. Më tha që do të shkatërroja karrierën time brenda një ose 2 vitesh. Nuk e dëgjova. Zgjodha që të qëndroja me Kim sepse ishte shumë e drejtë, besnike, e ëmbël. Më çmoi mua dhe mjeshtrinë time, kisha shumë respekt për të. Kur u largova nga puna e mëparshme, e vetmja gjë që më thanë ishte: paç fat sepse ajo nuk do të jetë kurrë në kopertinën e revistës ‘Vogue’. Por ja ku jemi sot. Dekada e kaluar me Kim Kardashian ka qenë e pabesueshme. Ne jemi rritur së bashku, përcaktojmë trende, frymëzuam dhe ndikuam një industry të tërë. Në të gjitha arritjet e saj, ajo më ka bërë pjesë të tyre edhe mua dhe ka ndikuar shumë në jetën time, duke më ndihmuar të arrij suksesin e pashembull si një make up artist i famshëm. Jam shumë i emocionuar për këtë bashkëpunim”, ka shkruar Mario.
Kim duhet të jetë shumë krenare që ka pranë vetes njërëz kaq shumë besnik si Mario…dhe ne po ashtu për arritjet e tij.