Për çfarë i shërben suksesi? Dua Lipa jep përgjigjen më të ëmbël dhe plot emocion! 0 482

Dua, Dua, Dua…po e dëgjojmë pothuajse kudo emrin e saj së fundmi. Nga ‘New Rules’ e deri tek bashkëpunimi i fundit me Calvin Harris, Lipa po cilësohet gjithmonë e më shumë si fenomeni më i ri në muzikë. Fansat e adhurojnë, ndjekësit e këngëve të reja bëjnë që të renditet e para në klasifikimet botërore; me pak fjalë, Dua po na surprizon gjithnjë e më shumë.

Natyrisht, mes gjithë karrierës së lulëzuar në moshë fare të re, artistja mendon jo pak për gjithçka që e rrethon. Këtë herë, Dua ka patur një mesazh për suksesin që gëzon. Ajo ka postuar një foto në Instagram, ku shihet e shkruar një frazë: “Natyrisht që dua të jem e suksesshme, por nuk e kërkoj suksesin për vete. Dua të jem e suksesshme, në mënyrë që të mbledh sa më shumë qumësht dhe mjalt të jetë e mundur, në mënyrë që të ndihmoj edhe njerëzit rreth meje që të korrin sukses.” Një mesazh të tillë vështirë se e shohim nga personazhet e famshëm, por duket se Lipa ka përcjellë edhe një herë natyrën e saj pozitive.

Me pak fjalë, Dua jo vetëm që nuk i harron njerëzit që ka përreth, por përpiqet me çdo kusht t’i ndihmojë në maksimum ata. Një avantazh edhe më shumë për Duan!

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *