Nuk do të ishte çudi që edhe pas mohimit publikisht që bëri Turi lidhur me largimin e tij, pas pak kohësh ta shohim në Klan Plus. Nuk është hera e parë, që VIP-at i mohojnë lajmet që qarkullojnë për të dhe më pas të rezultojnë të vërteta. Rasti më i fundit ishte shtatzënia e Xhensila Myrtezaj.
Lajmi që Turi do të largohet pas kaq shumë vitesh nga ekrani ku u rrit Vizion Plus drejt Klan Plus, pushtoi të gjitha portalet, por nëpërmjet një postimi në rrjetet sociale, ai e cilësoi si një “Fake News” (lajm i rremë). Megjithatë, një foto e tij në ambientet e TV Klan me Aleksandër Frangaj ka shtuar dyshimet. Burime për Gazeta Ekspress bëjnë me dije se marrëveshja ka përfunduar. Turi është “blerja” më e re e Klan Plus, por jo vetëm. Po të njëjtat burime konfirmojnë se Turi do të marrë me vete edhe “Apartamentin 2XL” .
Turja Hyska prej shumë vitesh është cilësuar si “djali i Vizionit”. Ai ka qenë drejtues i disa emisioneve të ndryshme në këtë ekran si “Mos u nxeh”, “Oktapod”, “Tornado me para”, “Apartamenti 2XL” e ndërsa mesa duket ka ardhur koha për një ndryshim.