Robert Berisha vjen në tregun muzikor të kësaj vere me një këngë dashurie. Berisha i njohur më parë si bashkëshorti i Nora Istrefit, por prej 2 vitesh edhe si këngëtar, ka publikuar sot këngën e tij më të re. E në fakt ka zgjedhur sezonin ku konkurenca është ndjeshëm e lartë.
Me një orkestër në mes të një lagjeje dhe fëmijë të vegjël përreth, që i japin shumë ritëm e harmoni videos, këngëtari Robert Berisha prezanton këngën e re “Pa ty”. Ky projekt muzikor ngjan me seranatat e famshme të dashurisë.
Një tjetër ritëm i bukur iu shtohet muzikës së kësaj vere. “Pa ty”, një këngë verore ku flitet për dashurinë ndaj një vajze, pa të cilën nuk ka jetë por historia gjithsesi ka përfunduar.