Skrab anticelulit me kafe, për këmbë të tonifikuara! 0 236

Adhuruese të kafesë! Sot ju sjellim një skrab të shkëlqyer me kafe, tonifikues, anticelulitit dhe tepër ekonomik për t’u realizuar në kushtet e shtëpisë! Ja se si ta përgatitni vetë me shumë pak përbërës. Provojeni! Ja përbërësit që ju nevojiten:

Kafe pluhur- Kafeja më cilësore për t’u përdorur është ajo arabe, por ju mund të zgjidhni pa problem llojin që ju pëlqen, pse jo atë që keni në shtëpi.

Vaj kokosi-I njohur për efektet dhe i lehtë për t’u gjetur, mund ta gjeni kudo  në dyqane me artikuj bio.

Klorur natriumi- Kripë e zakonshme, kostoja e së cilës është shumë e ulët në çdo supermarket.

Sheqer- E keni me siguri në kuzhinë!

Vaj avokado- Mos u frikësoni. Mund ta zëvendësoni atë me lehtësi me vaj ulliri.

Vaj i bajames së ëmbël – Edhe ky mund të zëvendësohet, por mund ta gjeni me cilësi të mirë e ekonomik edhe në farmaci e supermarkete. Ju rekomandojmë ta merrni!

Sasitë e përbërësve janë të ndryshueshme, mund të përdorni aq sa ju nevojitet për sa sasi skrabi do të përgatitni. Përgatitni përzierjen duke kombinuar përbërësit e thatë, kafen, kripën dhe sheqerin me këtë masë: 3 lugë kafe pluhur, 2 lugë kripë, 1 lugë gjelle sheqer. Në përzierjen e pluhurit, shtoni sasinë e njëjtë të vajit në të njëjtat masa, duke filluar nga vaji i kokosit, vaj i avokados (ose ullirit) dhe vajin e bajames së ëmbël.

Përziejini mirë dhe skrabi është gati! Nëse ndjeni se keni lëkurë të thatë në shputat e këmbëve mund ta përdorni edhe si zbutës në lëkurë të lagur, funksionon për javë të tëra! Ky skrab pastrues dhe anticelulit është i përshtatshëm për të masazhuar këmbët, kofshët dhe të ndënjurat.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *