Ish-partnerja dhe nëna e tre fëmijëve të tij ndërroi jetë papritur të enjten duke lënë një dhimbje të madhe edhe te këngëtari i famshëm P.Diddy. I shkatërruar nga ngjarja, ylli i muzikës botërore ka shkruar disa dedikime të ndjera e prekëse për Kim Porter, gruan që ndau 13 vite të jetës së tij.
Në një seri videosh që të kthejnë shumë vite pas, këngëtari shfaq momentet e tyre bashkë si çift, foto gjatë shtatzënisë së tre fëmijëve si dhe i premton asaj se ai do të vazhdojë të rris familjen që ajo la pas ashtu siç Kim e ka mësuar. “Të dua përgjithmonë. S’më besohet se kjo dreq gjëje ka ndodhur!!!!
Në një tjetër video ku shfaqet çifti në momente të lumtura 49-vjeçari shkruan:
“3 ditët e fundit jam përpjekur të zgjohet nga ky makth. Por nuk kam mundur. Nuk e di se çfarë do të bëj pa ty zemër. Më mungon kaq shumë. Sot do të bëj nderimet e mia për ty. Do t ëpërpiqem të gjej fjalët për të shpjeguar marrëdhëien tonë të pashpjegueshme. Ne ishim më shumë se miq të ngushtë, ishim më shumë se shpirtra binjakë. NË ISHIM DIÇKA KREJT TJETËR!!. Dhe më mungon kaq shumë!.
Modelja dhe aktorja Kim Porter pësoi një atak kardiak të enjten në mesditë pasi vuajti për disa javë nga pneumonia.
P.Diddy dhe Kim Porter kanë 3 fëmijë së bashku: Christian Combs lindur në 1998 pasua nga dy vajzat binjake të quajtura Jessie James dhe D’Lila. Modelja dhe aktorja ka gjithashtu një djalë nga marrëdhënia e mëparshme me producentin Al B. Sure! Diddy dhe Porter nisën të dilnin bashkë në vitin 1994 dhe patën një lidhje me ndarje e ribashkime derisa u ndanë përfundimisht në vitin 2007.