KreuKuzhine

Recetë nga Shef Fundim Gjepali/ Fileto Dentali me Latuga të thekrruar, vezë peshku dhe ullinj

Këtë herë do të qëndrojmë te peshku dhe disa përbërës të freskët dhe disa përbërës që na ndohmojnë të realizojmë një recetë të freskët dhe plot shije.

Filetot e peshkut Dental që do të përdorim në këtë recetë janë të rëndësishme. Ky lloj peshku meriton të gatuhet më së miri, pasi ka shije të veçantë nga llojet e tjerë. Me disa përbërës shtesë do të shijoni pjatën më fantastike që keni përgatitur ndonjëherë.

Vezët e peshkut janë një prej ushqimeve më të preferuara dhe më të shëndetshme në botë. Ato janë përdorur nga njeriu prej shumë shekujsh si një delikatesë dhe si një ushqim i tryezave mondane.

Fillojmë me përgatitjen e kësaj receta. Përbërësit që na duhen për 4 persona janë:

–  4 fileto dentali nga 200 gr secili

– 1 sallatë latuga e ndarë në 4

– 1 thelpi hudhër

– 1 Acciughe në vaj

– 100 gr ullinj  pa bërthamë

– 1 degë trumze

–  100 gr vezë peshku(botarga)

– 1 gotë verë të bardhë

– vaj ulliri ekstra i virgjër

– kripë

– piper

Përgatitja:

Në një tenxhere vendosim pak vaj ulliri, 1 thelpi hudhër, degën e trumzës dhe e lëmë të kavardiset pak. I  thajmë fletët e sallatës anësore dhe e shuajmë me verën e bardhë. Me pas e kalojmë në një blender dhe grijmë deri sa ajo të bëhet kremoze dhe duke patur kujdes që të ruajmë ngjyrën jeshile. Marrim një tigan antiaderent, kriposim filetot e levrekut dhe i vendosim në tigan duke i thekërruar në të dyja anët. Heqim filetot nga tigani dhe i vendosim në një tepsi, pastaj në të njëjtin tigan  vendosim edhe latugën duke e thekërruar në të gjitha anët. Vendosim në të njëjtën tepsi ku kemi vendosur filetot e dentalit. Përfundojmë pjekjen në furrë të nxehet me temperaturën 200° për 5 min.

Përgatisim pjatën si në foto. Vendosim në cepin e pjatës kremin e latugës dhe më pas me ndihmën e një shpatulle e shtrojmë në pjatë. Gjithashtu  vendosim në pjatë fileton e dentalit si në foto, i hedhim ullinjtë e grirë dhe vezët e peshkut, vaj ekstra të virgjër dhe… receta është gati.

Ju bëftë mirë!

 

Bordo
Shtator - No.63

SHKARKO VERSIONIN PDF