Horoskopi ditor, 19 mars 2019

Dashi

Parashikohet një ditë neutrale, e cila paralajmëron ardhjen e pranverës, ku do të jeni me energji të reja dhe dëshirë për ripërtëritje. Kjo gjë do të vlejë si në punë edhe në dashuri. Mbajini sytë hapur kryesisht në dashuri, pasi do të ketë zhvillime të cilat nuk duhen nënvlerësuar.

Demi

Kjo e martë do ju gjejë nervoz, ku për gjënë më të vogël do të ndiheni të acaruar dhe do të reagoni keq. Bëni mirë të frenoni pak, para se të reagoni, pasi mund të përdorni fjalë të papërshtatshme të cilat do ju shkaktojnë dëme të pakthyeshme, si në sferën profesionale edhe në atë sentimentale.

Binjakët

Kjo ditë do ju gjejë nën tension dhe të nervozuar. Mundohuni që të ruani qetësinë dhe të mos reagoni, të paktën sa të kalojë dita, kur situata do të vijë drejt përmirësimit. Bëni kujdes ndaj disa situatave dhe mos u kushtëzoni nga lodhja juaj.

Gaforrja

Parashikohet një ditë jo shumë pozitive, sidomos sa i takon ndjenjave, të cilat mund të jenë konfliktuale. Ju leverdis që ti shtyni disa sqarime për më vonë. Mundohuni që gjatë kësaj të marte të ruani sa më shumë qetësinë.

Luani

Bëni mirë që gjatë kësaj dite të ruani ekuilibrat, madje më mirë mos bëni asgjë se sa të bëni dëme. Duke qenë se do të jeni shumë nervoz, mund të humbni shumë shpejtë qetësinë, por pasojat do të jenë të mëdha. Mundohuni të jeni të qetë, pasi që nga e mërkura situata do të përmirësohet.

Virgjëresha

Gjatë kësaj dite do të ndjeheni të fortë dhe kjo gjë do ju lejojë që të çoni përpara kërkesat tuaja dhe të merrni përgjigje. Mundohuni të kënaqeni me pak, pasi në ditët në vijim Hëna do të jetë në shenjën tuaj për t’iu mbështetur.

Peshorja

Parashikohet një ditë jo shumë pozitive, gjatë së cilës do të ndiheni disi të stresuar, sidomos për sa i takon punës, ku ndiheni të nënvlerësuar dhe nuk arrini që të shprehni mirë, aftësitë tuaja. Tregohuni të durueshëm dhe mos ju përgjigjni provokimeve.

Akrepi

Ndiheni të lodhur! Kjo është një ditë aspak e favorshme sa i takon sferës profesionale. Mundohuni që të shmangni debatet me kolegët dhe eprorët, pasi nuk do të sjellin rezultatet e kërkuara. Bëni kujdes me shpenzimet, pasi duhet të rikuperoni ende humbjet e kohëve të fundit. Në dashuri duhet të bëni kujdes, pasi vetëm fundi i muajit do të sjellë përmirësim.

Shigjetari

Kjo e martë do të jetë e ndarë në dy pjesë, mëngjesi do të nisë shumë mirë, ndërsa në mbrëmje mund të keni angazhime të papritura të cilat do ju lodhin më shumë nga sa e imagjinoni. Mundohuni që ta shfrytëzoni kohën sa më mirë.

Bricjapi

Me shumë gjasë do të gjendeni në një fazë tranziotore, ku do të ketë ndryshime të cilat do ju turbullojnë, shkruan noa.al. Mundohuni që të mos humbni busullën dhe të ruani qetësinë, duke shmangur debatet dhe konfliktet e drejtpërdrejta.

Ujori

Jeni shenja perfekte e rebelimit, ku ju pëlqen çdo gjë që është e lidhur me instinktin tuaj, por bëni kujdes, pasi nuk është e thënë që të keni gjithmonë të drejtë. Kjo vlen sidomos në dashuri, ku duhet të respektoni disa rregulla. Mundohuni që të kuptoni më mirë se çfarë doni, qartësohuni me veten dhe të tjerët. Ndoshta ka ardhur momenti që të ndryshoni diçka në jetën tuaj.

Peshqit

Parashikohet një ditë neutrale, ku do të përfshiheni nga nostalgjia e së kaluarës dhe dëshira për të bërë diçka që nuk keni mundur. Bëni mirë që të mos fiksoheni, pasi nuk mund ti ndryshoni gjërat. Përqendrohuni në të tashmen, në dashuri dhe punë, ku pritshmëritë do të jenë të mira

Noa.al

Previous ArticleNext Article