Ka përfunduar një sezon të sukseshmëm me programin “Dua të të bëj të lumtur” dhe pasi ka lënë ‘timonin’ e moderimit, për të paktën katër muajt e ardhshëm, deri në nisje të sezonit të ri, Arbana Osmani ka marrë pushimet në kuptimin e plotë të fjalës!
Relaks, det, diell, veshje të lehta, ishull përrallor e me siguri shoqëruar nga njerëzit e saj të dashur; moderatorja e njohur ka zgjedhur ishujt e bukur të Greqisë dhe pikërisht qytezën Galatas, e cila është një ndër vendet më tradicionale greke, për t’u relaksuar pas një sezoni të gjatë televiziv.
Arbana ka ndarë disa foto me ndjekësit e saj në instagram teksa po pushon dhe duket se po i shijon më së miri ditët e saj të pushimeve.