Jonida Vokshi do të kurorëzojë në martesë historinë e saj të dashurisë me Besnikun më 14 shtator. Kur ka mbetur më pak se dy javë nga dita e madhe, miqtë e çiftit simpatik kanë marrë në dorë ftesën e martesës së tyre.
Xing.al ka publikuar imazhin e ftesës që duhet thënë se nuk e kemi parë ndonjëherë dhe se është tejet e veçantë. Ftesat janë në formën e guackave të detit, të zbukuruara me perla, një zgjedhje e gjetur e dy të dashuruave duke marrë parasysh se dasma do të zhvillohet në bregdet.
Dasma e Jonida Vokshit dhe producentit kosovar Besnik Krapi pritet të jetë një ndër më të bujshmet në radhët e personazheve VIP të këtij viti.
Dyshja janë njohur në serialin komik “O Sa Mirë”, dhe pasi pranuan publikisht fejesën pak muaj më parë, zbuluan se do të martoheshin në shtator.