KreuStil Jetese

Pak orë përpara fillimit zbulohet gjithçka; ja çfarë pritet të ndodhë në 5 netë “Sanremo”

Të ftuarit special, performancat artistike, mekanizmat e rinj të votimit, këtu është gjithçka pritet të ndodhë në skenën e madhe të festivalit të muzikës italiane, që shënon plot 70 vite histori.

Skena e pallatit Ariston, është praktikisht stacioni ku këto ditë kryqëzohen qindra mendime, njerëz, vizitorë që hyjnë e dalin dhe përpiqen të kuptojnë rrugën për të mbërritur në magjinë e skenës së madhe! Kjo është atmosfera që mbretëron vetëm pak orë parpara fillimit të festivalit të Sanremos, i cili nis zyrtarisht nesër në 4 shkurt për të vijuar deri me finalen që do të mbahet në 8 shkurt. Çdo mbrëmje, spektakli i muzikës do të paraprihet nga një format që quhet  ‘PrimaFestival’ dhe do të moderohet nga Ema Stocktock, si edhe Gigi dhe Ross dhe do të mbyllet, vetëm në RaiPlay, me pjesëmarrjen e Myss Keta, binjakëve Guidonia, komedianin Valerio Lundini dhe ekspertin e festivalit, Eddy Anselmi.

Mbulimi përgjatë 5 netëve, përveçse garantohet nga të gjitha programet e informacionit në Raiuno, do të vazhdojë edhe në radio me Mara Venier dhe emisionin e saj Call Mara 3131! Prezantuesja e njohur përveçse do të shkojë në skenë e Ariston në mbrëmjen e fundit, do të jetë gjithashtu në transmetim të pa ndërprerë për pesë netë rresht. Vëmendja,  është e përqendruar te protagonistët e vërtetë të Sanremos së këtij viti: këngët e zgjedhura nga Amadeus dhe që publiku më në fund do të jetë në gjendje t’i dëgjojë duke filluar nga 4 shkurti. Së bashku me 24 artistët BIG në garë, 10 bashkëprezantuesit dhe të ftuarit special, gjithçka parashikon surpriza të mëdha në këtë edicion të 70-të të Sanremos.

E Martë 4 Shkurt

Mbrëmja e parë sigurisht ka shumë ankth, sepse shumëkush e shikon për të kënaqur kureshtjen dhe për të kuptuar se çfarë ajri po fryn në Ariston këtë vit. Së bashku me Fiorellon dhe Tiziano Ferron, të cilët do të jenë të pranishëm të pesta mbrëmjet, bashkëprezantuesit në skenë janë Rula Jebreal, e cili pas polemikave do t’i kushtojë vetes një reflektim mbi dhunën ndaj grave dhe Diletta Leotta. Në dallim nga edicionet e fundit, ne nuk do të dëgjojmë 24 këngët në konkurs, por vetëm 12! Këtë herë do të votohet nga juria Demoskopike(e përbërë nga 300 përdorues të muzikës së zakonshme), e cila do të shprehet edhe në dy sfida direkte me propozimet e reja (këngët fituese shkojnë direkt në mbrëmjen e katërt). Mysafirët e pritshëm janë edhe Emma Marrone, e cila e fitoi Sanremon në 2012-ën, e cila rikthehet në Ariston, sërish.

E Mërkurë 5 Shkurt

Mbrëmja e dytë, e cila do të llogarisë si gjithmonë praninë e Tiziano Ferros dhe Fiorellos, do të sjellë në skenë performancat e 12 artistëve BIG në garë dhe katër propozime të reja, të gjykuara gjithnjë nga juria Demoskopike. Në fund, do të hartohet një renditje e vetme për të gjitha këngët në garë, që vijnë nga përqindjet e votimit të netës së parë dhe të dytë. Së bashku me Amadeus, Emma D’Aquino, Laura Chimenti dhe Sabrina Salerno do të dalin në skenë, ndërsa në frontin e të ftuarve duhet të marrim pjesë në ribashkimin e kuartetit origjinal të Ricchi e Poveri, ose Angela Brambati, Angelo Sotgiu, Franco Gatti dhe Marina Occhiena. Në të njëjtën mbrëmje mund të ishin edhe Al Bano dhe Romina Poëer, të cilët do të këndonin një këngë të pa ekspozuar kurrë më parë e të shkruar për ta nga Cristiano Malgioglio, por me gjasë ata nuk do të jenë protagonistë.

E enjte 6 shkurt

Mbrëmja e tretë titullohet “Sanremo 70” dhe do ta ndalë konkursin për të festuar 70 vjet histori të festivalit me hite të kënduara nga 24 artistët BIG! Secili prej tyre do të zgjedhë një këngë që ka bërë histori ndër vite duke e performuar atë me të ftuarit special. Performancat do të votohen nga muzikantët dhe koristët e Orkestrës së Festivalit: në fund të mbrëmjes, do të krijohet një renditje që do të jetë mesatare midis këtij votimi dhe asaj të dy mbrëmjeve të para. Në skenë, përveç Ferros, i cili do të performojë edhe një duet me Massimo Ranierin dhe Fiorellon, do të jenë edhe Georgina Rodriguez dhe Alketa Vejsiu. Të ftuar, gjithashtu, do të jenë Roberto Benigni, Leëis Capaldi dhe Mika.

E Premte 7 Shkurt

Në mbrëmjen e katërt do të shohim Francesca Sofia Novellon dhe Antonella Clericin së bashku me Amadeus. Ne do të dëgjojmë 24 këngët në konkurs të cilat, kësaj radhe, do të votohen nga juria e Press Room, TV, Radio dhe Ëeb. Gara e propozimeve të reja do të vazhdojë me një sfidë midis katër këngëve të mbetura: dy prej tyre do të eliminohen pas një votimi me të ashtuquajturin “sistem i përzier” (Juria Demoskopike që vlen 33%, Juria e Dhomës së Shtypit që vlen 33% dhe Televoto që vlen 34%). Mysafirë do të jenë Johnny Dorelli dhe ylli i pop-it Dua Lipa.

E shtunë 8 shkurt

Mbrëmja e pestë dhe e fundit është finalja e madhe, e vetmja në të cilën do të mund të votohet për artistët BIG! Fati i 24 këngëve, në fakt, do të vendoset nga “sistemi i përzier” i cili do të çojë në një votë që do të ndërmjetësojë me ato të mëparshme duke krijuar kështu një renditje e re. Në këtë sistem pikëzimi, të dhënat do të rivendosen dhe do të ketë tre finalistë, të votuar gjithmonë me “sistemin e përzier” për të vendosur fituesin. Për të mbështetur Amadeus, përveç Fiorellos dhe Tiziano Ferros, do të jenë Francesca Sofia Novello, Sabrina Salerno, Diletta Leotta dhe Mara Venier. Mysafirët e pritshëm do të jenë kasta e aktorëve të “La mia banda su pop il”, filmi më i ri nga Fausto Brizzi, së bashku me mundësinë e protagonizmit të Ultimos dhe Zuccheros, të cilët janë akoma në dyshim.

Revista Class

Tags:

Home bordo

Bordo
Shtator - No.63

SHKARKO VERSIONIN PDF