Këngëtarja në qiellin e shtatë: pas tre aborteve, mund të ketë një fëmijë!

Halsey foli së fundi për tre abortet spontane që ka pasur në jetë dhe ndjesinë e tmerrshme të boshllëkut që ato kanë lënë pas. Këngëtarja 25 vjecare rrëfeu sesi në 2018-tën, e kishte humbur fëmijën në skenë! Në një intervistë për “ The Guardian”, ajo tregoi se kënga e vet e  re “More” lidhet me dëshirën e saj për një fëmijë.

“Këtu jam në këtë pjesë të jetës që nuk e kontrollon dot dhe nuk mund të bëj të vetmen gjë që më është caktuar biologjikisht të bëj në këtë tokë. Atëherë më duhet të ngjitem në skenë dhe të jem seks simboli i feminitetit dhe fuqizimit? Është demoralizuese”, është shprehur ajo.

Halsey vuan nga endometrioza, një patologji gjinekologjike ku shtresa e brendshme e mitrës fillon të rritet jashtë mitrës, dhe që e bën mjaft të vështirë shtatzaninë, ndërsa është dhe mjaft e dhimbshme. “ Duket se mëmësia do të ndodhë më në fund për mua. Është një mrekulli”, u shpreh këngëtarja.

 

Previous ArticleNext Article