KreuKuzhine

Luftoni ankthin me këto ushqime!

E gjithë bota po kalon ditë jo fort të qeta për shkak të frikës, pasigurisë, e mosnjohjes edhe nga apecialiatët rreth Koronavirus. Së fundmi Italia ndodhet në një situatë kaotike,  dhe qytetarët italianë janë më ansiozë se asnjëherë.

Fatkeqësisht Covid-19 prej ditësh ma mbërritur edhe në Shqipëri ku numërohen 15 të infektuar dhe 1 viktimë nga Koronavirus.

Siç e dimë, ankthi është një problem i zakonshëm, jo gjithmonë e kapërcejmë me lehtësi dhe me ilaçet e duhura, ka edhe disa truke të tjera me të cilat ta luftojmë.

Të ushqyerit, luan në rol mjaft të rëndësishëm. Le të shohim së bashku se cilat janë ushqimet më të mira të cilat e luftojnë ankthin dhe se cilat duhen evituar.

Tek ushqimet që ju këshillojmë përfshihen ato me bazë drithërash integrale, makaronat dhe buka. Vetë drithërat, përmbajnë shumë magnez dhe triptofan i cili i jep mendjes qetësi. Sjell energji dhe ul ndjenjën e urisë.

Boronica është një frut i rëndësishëm dhe i pasur me vitamina dhe antioksidantë të cilët lehtësojnë stresin.

Bajamet kanë zink në përmbajtjen e tyre dhe janë të shkëlqyera për të mbajtur një gjendje të ekuilibruar të mendjes; ato përmbajnë edhe hekur apo yndyrna të shëndetshme.

Për adhuruesit e ëmbëlsirave, këshillojmë çokollatën e zezë fondente pa sheqer e qumësht. Është fantastike në luftimin e ankthit apo stresit. Kjo sepse ka në përmbajtje kortizolin, hormonin e stresit.

Portokallet, të pasura me vitaminën C, reduktojnë presionin e gjakut dhe niveli i kortizolit largon ankthin.

Në përgjithësi, të gjitha ushqimet të cilat kanë në përmbajtje magnezin, vitaminat e grupit B, zink dhe antioksidantët janë luftues të mirë të ankthit dhe stresit.

Ushqimet të cilat duhet t’i shmangni në këtë rast janë ushqimet e skuqura, karbohidratet me indeks të lartë glicemie, pijet alkoolike dhe sheqernat. Nëse vuani edhe nga paniku, atëherë do të bënit mirë të shmangnit edhe konsumimin e kafesë sepse ju shton rrahjet e zemrës.

Por, në qoftë se keni vetëm ankth dhe stres pak kafeinë do ju përmirësonte gjendjen shpirtërore.

Bordo
Shtator - No.63

SHKARKO VERSIONIN PDF