Regjistrohen 13 raste të reja me Covid-19; të gjithë në Durrës!

Duket se qyteti i Durrêsit po kthehet në një vatër të re infeksioni të Covid-19.

Ministria e Shëndetësisë ka bërë të ditur sot se në 24 orët e fundit janë zbuluar 13 raste të reja të infektuar me Covid-19.Sipas të dhënave zyrtarë behet e ditur se 13 rastet janë të gjitha të zbuluara në qytetin e Durrësit.Këto raste të reja në Durrës sipas Ministrisë së Shëndetësisë janë të gjithë raste infeksioni nga personat e kontaktit të evidentuar më parë.

“Ju bëjmë me dije të dhënat e 24 orëve të fundit të situatës së COVID 19 në Shqipëri. Janë testuar 260 qytetarë si të dyshuar si të prekur me Covid19 dhe kanë rezultuar pozitivë 13 qytetarë, të gjithë në Qarkun Durrës.

Rastet e reja janë kontakte të personave që tashmë rezultojnë pozitivë në vatrën e re të Durrësit, ndërkohë që po vazhdon hetimi epidemiologjik aktiv në terren.

Qytetarët duhet të vazhdojnë të kenë kujdes, për të respektuar masat e vendosura, në mënyrë që të minimizojmë sa më shumë përhapjen e virusit tek kontaktet familjare apo më gjerë”, theksoi Dr. Flutura Beqo.

easy dinner ideas
Previous ArticleNext Article