STUDIMI/ Koronavirus mund të jetojë 1 muaj në sipërfaqe!

Sipas studimit të ri koronavirusi mund të mbijetojë për një muaj në sipërfaqe duke përfshirë kartëmonedhat, ekranet e telefonave celularë dhe materialet si  çelik  apo inox  Studiuesit në ‘CSIRO’, Agjencia Kombëtare e Shkencës Australiane, kanë zbuluar se Covid mund të mbijetojë deri në 28 ditë në sipërfaqe.

Hulumtimi, i ndërmarrë në Qendrën Australiane për Gatishmërinë e Sëmundjeve (ACDP) në Geelong, Victoria, zbuloi se virusi mbijetoi më mirë në temperatura më të ftohta. Ai gjithashtu zbuloi se virusi mbijetoi më gjatë në sipërfaqe të lëmuara si xhami dhe çeliku- inox krahasuar me sipërfaqe si pambuku.

Studimet e fundit kanë treguar se virusi është në gjendje të mbetet infektues në grimcat e ajrit për më shumë se tre orë. Gjatë një muaji, virusi u analizua dhe u izolua për të përcaktuar shkallën e tij të mbijetesës.

Eksperimente të mëtejshme u kryen në 30 dhe 40 gradë Celsius, me kohën e mbijetesës duke u zvogëluar ndërsa temperatura u rrit. Studimi u krye gjithashtu në errësirë, për të hequr efektin e dritës UV pasi hulumtimi ka demonstruar rrezet e diellit direkte mund të inaktivojnë shpejt virusin.

 

Këto zbulime tregojnë se SARS-CoV-2, virusi përgjegjës për Covid-19, mund të mbetet infektiv për periudha kohore dukshëm më të gjata se sa konsiderohet e mundshme.

 

Rezultatet, të botuara në Virology Journal, mund të përdoren për të përmirësuar procedurat e zbutjes së rrezikut për të parandaluar përhapjen e sëmundjes.

 

 

easy dinner ideas
Previous Article