KreuCelebrity

Studimi i ri: Kush kalon Covid ka 90% shanse të mos infektohet më, por mund të infektojë të tjerët!

Studimi i ri: Kush kalon Covid ka 90% shanse të mos infektohet më, por

Një studim i ri nga ekspertët britanikë thotë se personat që kanë mposhtur koronavirusin kanë të njëjtin nivel mbrojtje me pacientët e vaksinuar. Instituti I Shëndetit publik në Angli, thotë TCH, zbuloi se mundësia për të mos u infektuar sërish është 90%. Në studimin më të madh të këtij lloji, i cili përfshin 21 mijë punonjës të Shëndetit Publik të Anglisë, ekspertët zbuluan se pjesa më e madhe e pacientëve kanë imunitet për të paktën 6 muaj pasi kanë kaluar sëmundjen. Pavarësisht se është i vogël rreziku për të përfunduar në gjendje të rëndë shëndetësore, është e lartë mundësia e transmetimit të koronavirusit. “Infektimi i parë duket aq i mirë sa vaksina, të paktën për një periudhë 6 mujore. Kjo ndihmon në imunitetin e popullatës dhe uljen e transmetimit të sëmundjes. Ndonëse duket lajm i mirë sepse mbron njerëzit nga infektimet e tjera, nuk është mbrojtje e plotë 100%. Po, ekziston një përgjigje imune ndaj koronavirusit për të paktën 6 muaj, por kjo nuk do të thotë se nuk ka rrezik për infeksionin pasi njerëzit mund të vijojnë ta transmetojmë. Ne duam të theksojmë që askush nuk duhet të ndryshojë mënyrën e jetesës dhe të vijojë të mbrohet, sidomos personat që përfshihen në kategoritë më të rrezikuara”, tha udhëheqësja e studimit, Susan Hopkins, sipas TCH.

Bordo
Shtator - No.63

SHKARKO VERSIONIN PDF