KreuCelebrity

Modelja tregon barkun pas lindjes së binjakëve: Është një tmerr, e vërteta që shumë nuk e rrëfejnë!

 

Modelja Gracia De Torres, me një fizik tepër të admiruar dhe bashkëshorte e basketbollistit profesionist Daniele Sandri , tregoi pasojat e shtatzanisë mbi trupin e saj. Pasi lindi binjakë, Gracia postoi foton e barkut në Instagram për të treguar të vërtetën e saj dhe të shumë grave të tjera, strijat dhe çarjet e mëdha të lëkurës.

“Jeta ka nuanca të ndryshme, ngjyra të ndryshme dhe këndvështrime të ndryshme. Barku im është bërë një hartë thesari, ose një pemë e jetës, ndoshta një tmerr për të tjerët. Me këtë foto ndoshta do të humbas shumë punë në të ardhmen, kush do të merrte për një reklamë rrobabanjosh një grua me një bark të tillë?

Ndoshta dikush që ka ndjeshmërinë për të kuptuar dhe guximin për të treguar femra të vërteta. Nuk dua të them që më parë nuk ekzistonte ky lloj njeriu, por mendoj se shoqërisë sonë i mungon kjo gjë: mungon ajo dritare drejt botës reale, më shumë fushata reklamuese ku tregohet e vërteta e jetës dhe jo vetëm standardet e bukurisë së përsosur.

Për shkak se jeta do të ishte më e mirë, ndoshta do të kishte më pak adoleshentë në depresion për të mos u futur në ato standarde bukurie, do të kishte më pak ngacmime dhe do të kishte shumë më tepër lumturi. Kjo nuk do të thotë se ne duhet të ndalojmë së kujdesuri për veten ose të pranojmë se nuk mund të përmirësohemi, përkundrazi DUHET ta bëjmë atë, të zgjohemi çdo mëngjes dhe të përmirësojmë ato gjëra “fizike ose mendore” që nuk na pëlqejnë. Unë them që bukuria e vërtetë është diçka tjetër, më besoni” ka shkruar ajo.

Bordo
Shtator - No.63

SHKARKO VERSIONIN PDF