Alfio ka qenë së fundmi i ftuar në kanalin e YouTube të revistës “Bordo” dhe ka realizuar një recetë shumë të thjeshtë dhe të shijshme, linguini me karkalec scampi.
Gjatë procesit të gatimit, Alfio zbuloi sekretin e gatimit të pastave. “Çfarëdolloj paste të jetë, salca duhet do të jetë e lëngshme dhe e shijshme, dhe gjysma e zierjes së pastave bëhet në pjesën e ujit të valuar dhe gjysma bëhet në salcën e lëngshme”.
Më poshtë do të gjeni të gjithë procesin e gatimit të lingunit me karkaleca:
“Këtu kemi pak scampi, normalisht të detit tonë. Karkalec tiger, ca bishta karkalec violë të detit tonë, domate të freskëta dhe borzilok nuk mund të mungojnë. Spec djegës i freskët, hudhër dhe limon të cilit do t’i përdorim vetëm pjesën e lëkurës. Normalisht nuk mund të na mungojnë erëzat. Vaj ulliri ekstra i virgjër, edhe pak konjak
Gjëja kryesore për të bërë linguini sa më të mirë është uji me kripë të trashë. Në rastin tim janë 25 litra ujë, në shtëpi pak a shumë gjysma, dy grushte kripë të trashë me shumë jod deti. Këtu kemi vendosur të gjithë kokat dhe bishtat e karkalecave me të cilat po bëjmë një lëng fantastik, për t’i dhënë shije pastave. Domatet e freskëta që kishim më parë, thjesht i kemi vendosur në ujë të valuar dhe kemi hequr pjesën e lëkurës. Por ne do i heqim edhe pjesën e farave. Lëkurat dhe farat e domateve nuk i hedhim poshtë, por i vendosim ku kemi vendosur me kokat e scamp-it dhe karkalecave, për t’i dhënë shije më shumë. I lejmë që të valojnë vazhdimisht ndërkohë që do të merremi me pjesën tjetër dhe në fund fare do t’i grijmë me mikser dhe do i kullojmë lëngun, që do ta përdorim për zierjen e makaronave. Vazhdojmë tani me pjesën tjetër të recetës. Procesi i parë për të bërë pjesën e linguinive, normalisht që do t’i hedhim në ujë të valuar.
Ngaqë procesi i karkalecave në tigan është shumë, shumë i shpejtë. Tani ndezim tiganin. Këtu kemi bërë gati hudhër, majdanoz dhe specin djegës të freskët, do na duhet pak vaj ulliri i freskët ekstra i virgjër. E ulim pak flakën. Vendosim karkalecat me radhë. Fillojmë vendosim scamp-in rreth e përqark. E çojmë prapë flakën në maksimum. Normalisht i shtojmë pak kripë dhe piper. Karkalecat në momentin që marrin faqen e parë të skuqjes janë në rregull, nuk kanë nevojë t’i kavardisim shumë. Tani duke hequr tiganin nga zjarri i shtojmë konjak ose çfarë të kemi dëshirë. Karkalecave u shtojmë një pjesë të domateve, vetëm gjysmën, gjysmën e vendosim tani që i kemi prerë kubike pa lëkurë dhe pa farë. Dhe gjysmën do e vendosim në fund. Siç i kemi tani në këto momente, do të marrim lëngun që po bëhet me kokat e karkalecave dhe vendosim dy garuzhde të vogla.
Sekreti kryesor për të bërë një pasta, çfarëdolloj paste të jetë, është salca që do të jetë e lëngshme dhe e shijshme dhe gjysma e zierjes bëhet në pjesën e ujit të valuar dhe gjysma bëhet në salcën e lëngshme. Pra duke valuar tani linguinit që janë shumë aldente brenda salcës lëshon emirdonin, marrin pjesën e lëngut brenda dhe bëhen shumë kremoze dhe shumë të shijshme. Shiko sa aldente që janë. Linguinit janë pothuajse gati
Do t’i shtojmë ingredientët e fundit. Kemi kubikët e domates që na ngelën përpara, nuk do t’i hedhim të gjitha sepse paskemi bërë pak më shumë. Ca gjethe borziloku të freskët. Do i hedhim piper, goxha piper. Një fije vaj duhet dhe në fund edhe lëkurën e limonit. Shumë e rëndësishme pjesa e limonit, marrim nga pjesa e verdhë, sepse pjesa e bardhë është e hidhur. Freskia është në maksimum. Linguinit siç e shikoni janë gati edhe janë super kremoze”
