KreuCelebrity

A i patë dashuritë e Irena Kitës?

Edhe pse jo e përfshirë krejtësisht në botën e spektaklit (jo, nuk e kemi harruar pjesëmarrjen në “Dance With Me”!), me një profesion krejt të veçantë, shumë larg muzikës, kërcimit apo kinematografisë, Irena Kita di të bëjë art, kur vjen puna tek të veshurit. Jo më larg se para dy ditësh, e cilësuam si një nga të famshmet shqiptare, që udhëheq Instagramin me stilin e saj. Njohur ndryshe si një blogere e suksesshme, Kita na ka prezantuar dje në opsionin “My Story” koleksionin jo të pakët të këpucëve që disponon. Mesa arrijmë të dallojmë, dominojnë takat e larta, kombinuar me një elegancë të theksuar e me ngjyra të ndryshme. Nëpërmjet dy filmimeve të postuara, ajo e shoqëron këtë prezantin me përshkrimin “Dashuritë”, duke përdorur disa emojii me zemra. Është e vërtetuar tashmë, që shumica e femrave çmenden pas një garderobe të pasur, ku një hapësirë të konsiderueshme ta zënë këpucët. Kështu që, nuk mund ta fajësojmë Irenën. Për një imazh më të qartë të asaj për çka po flasim, klikoni në galerinë tonë. Të bukura, apo jo?

Bordo
Shtator - No.63

SHKARKO VERSIONIN PDF